မွေးစားမိခင်

တစ်ခုသောအားလပ်ရက်၌ အဝတ်ဘီရိုရှင်းရင်း အံဆွဲထဲမှ လက်ကိုင်ပုဝါတစ်ထည်နှင့် ကျစ်ကျစ်လျစ်လျစ်ချည်ထုံးထား သော အထုပ်ကလေးတစ်ထုပ် ထွက်လာ၏။ ပန်းရောင်ဇာအနားကွပ်ထားသော ထိုအဖြူရောင် လက်ကိုင်ပုဝါအထုပ် ကလေး ရှိနေခဲ့သည်မှာ ဘယ်လောက်များ ကြာခဲ့ပြီမသိ။ တစ်ချိန်က ရှင်းသန့်ခဲ့ဟန်တူသော အဖြူရောင်လေးမှာ ယခုအခါ ညိုရော်လျက်ရှိနေပြီ။ ချည်ထားသော အထုံးလေးကို ဖြည်ကြည့်လိုက်တော့ အထဲမှ တစ်ကျပ်တန်အကြွေစေ့များ တစ်၊ နှစ်၊ သုံး၊ လေး……ကိုးစေ့တိတိ တွေ့ရသည်။ သည်ငွေအကြွေကိုးကျပ်ကို ဘယ်သူကများ တယုတယထုပ်ပြီး သိမ်းဆည်းထား ခဲ့ပါလိမ့်။ ဘာကြောင့်များပါလိမ့်။

            မိနစ်အနည်းငယ်ကြာအောင် ဥာဏ်မီသလောက် တွေးကြည့်သော်လည်း အဖြေက ရေးရေးမျှပေါ်မလာ…။

နောက်ဆုံးတော့ အမေ့ကိုပဲ အကူအညီတောင်းရတော့သည်။ အမေက အကြွေစေ့လေးများကို ခဏယူကြည့် လိုက်ပြီးနောက် ကျွန်တော်မသိသေးသော အကြွေစေ့များ၏ရာဇဝင်ကို ပြောပြပါသည်။ အမှန်တော့ ထိုအကြွေစေ့များမှာ ကျွန်တော်မွေးခါစက အမေ့ကို အမေကြီး(အဘွား)က ပေးခဲ့ခြင်းဖြစ်၏။ ‘သားဦးစနေ’ ဖြစ်နေသောကြောင့် ယတြာချေသည့် အနေနှင့် အမေကြီးက ကျွန်တော့်ကို ထိုငွေကိုးကျပ်ဖြင့် (စတိသဘော) ဝယ်ယူမွေးစားခဲ့ခြင်းဖြစ်သည်။

အမေ့စကားဆုံးတော့ နှစ်များစွာကြာခဲ့သည့်တိုင် အရောင်လက်နေဆဲဖြစ်သော အကြွေစေ့လေးများကို လက်ဖဝါး ထဲတွင် တချွင်ချွင်မြည်အောင် လှုပ်ကစားနေမိရင်း…။

*

ကျွန်တော့်သွားများ မလှပါ။

ငယ်စဉ်က အတတ်ဆန်းပြီး ရေခွက်ကိုပါးစပ်မှာစွပ်၍ပြေးရာ မှောက်လျက်လဲသဖြင့် ရှေ့သွားများအတွဲလိုက် ကျွတ်ထွက်သွားကာ နှုတ်ခမ်းအထက်မှာလည်း ထင်ရှားသည့်အမှတ်အသားတစ်ခု လက်ဆောင်ရခဲ့ဖူး၏။ ကျန်သွားများမှာ လည်း အကုန်လုံးလိုလို မည်းညစ်နေအောင် သွားပိုးစားလျက်ရှိရာ အမေကြီးက တစ်ချောင်းပြီးတစ်ချောင်း ဆွဲနှုတ်ပေးခဲ့ ရသည်။ ပိုးစားထားသောသွားတွေ ‘နဲ့’ လာပြီဆိုသည်နှင့် အမေကြီးက “လူလေးရေ… လာပါဦးကွယ်” ဟုခေါ်၍ ပါးစပ်ဟ ခိုင်းပြီး လက်ကိုင်ပုဝါလေးနှင့်အသာအုပ်ကာ ထုံဆေးမပါ မေ့ဆေးမပေးဘဲ သည်အတိုင်း ဂျွတ်ခနဲ ဆွဲချွတ်ပေးတတ်သည်။ ထိုစဉ်က ကျွန်တော့်သွားတွေကပဲ ကျွတ်ချိန်တန်နေ၍လား၊ အမေကြီးကပဲ ကျွမ်းကျင်လွန်း၍လားမသိ၊ ကျွန်တော့်ပါးစပ် ထဲမှ ပိုးကိုက်သွားမည်းနက်နက်လေးများမှာ နာကျင်မှုတစ်စုံတစ်ရာ မခံစားလိုက်ရဘဲ အမေကြီး၏လက်အတွင်းသို့ ကျရောက်ကုန်ကြ၏။ ဤနည်းဖြင့် ကျွန်တော်၏ ချောကလက်ရောင်နို့သွားကလေးများမှာ သွားဆရာဝန်၏ ထုံဆေးအပ်၊ ပလာယာ စသည်တို့နှင့် တွေ့ထိဖူးခြင်းမရှိလိုက်ဘဲ နိဋ္ဌိတံခဲ့ကြရသည်။

            သွားတစ်ချောင်းနှုတ်ပေးပြီးတိုင်း အမေကြီးက ကျွန်တော့်လက်ထဲသို့ လောလောလတ်လတ် နှုတ်ထားသည့် သွားကလေးကိုထည့်ပေးပြီး “ကြွက်ကလေးရေ…မင်းသွားတွေ ငါ့ကိုပေး၊ ငါ့သွားကို မင်းယူ” ဟု ရွတ်ခိုင်းကာ ကြွက်တွင်း ထဲသို့ ပစ်ခိုင်းလေ့ရှိသည်။ ကျွန်တော်ကလည်း ကြွက်တွင်းရှာမတွေ့သောကြောင့် အမေကြီးအလစ်မှာ နီးစပ်ရာအိမ်ရှေ့ ရေမြောင်းထဲသို့ ပစ်ပစ်ချတတ်၏။ ထိုကြောင့်ပင်လားမသိ။ အသစ်ထွက်လာသောသွားများမှာ ကြွက်သွားလေးများလို ကျောက်တန်းစီညီပါပေ့ မဟုတ်တော့ဘဲ စောင်းသည့်သွားကစောင်း၊ ရွဲ့သည့်သွားကရွဲ့၊ ထပ်သည့်သွားကထပ်ကုန်တော့ သည်။

            အမေကြီးသည် ထိုကဲ့သို့ ကြာကြာဝါးမည့် ‘သွား’ များကို ဂရုစိုက်တတ်ရုံသာမက ‘လျှာ’ အရင်းမြက်စေဖို့လည်း အမြဲဖြည့်ဆည်းပေးတတ်၏။ “သွားကောင်းမှ အမေကြီးချက်တဲ့ဟင်းတွေ အများကြီးစားနိုင်မှာပေါ့ လူလေးရဲ့” ဟု သွား နှုတ်ပေးခါနီးတိုင်း အမေကြီးပြောလေ့ရှိသည်။ အမေကြီးသည် ဟင်းချက်လည်းအလွန်ကောင်း၏။ ဟင်းလျာများကို စိတ် ရှည်လက်ရှည်နှင့် ဖွယ်ဖွယ်ရာရာ ချက်ပြုတ်တတ်သလို ရှိသမျှနှင့်ခံတွင်းပေါက်အောင်လည်း စီမံနိုင်သည်။

မြေးတစ်သိုက် အိမ်အလည်လာတော့မည်ဆိုလျှင် အမေကြီးက ထမင်းဟင်းများကို အားကြိုးမာန်တက် ကြိုတင် ချက်ထားပြီးသား။ မြေးတွေကလည်း ရောက်လျှင်ရောက်ချင်း အမေကြီးကို အာဘွားတစ်ချက် ညာတာပါတေးလုပ်ပြီး ထမင်းဝိုင်းသို့ သူ့ထက်ငါဦးအောင် အလုအယက်ဝင်ထိုင်ကာ ပလုတ်ပလောင်း လုစားကြတော့သည်။ ထိုကဲ့သို့ သူ့လက်ရာ များကို ခေါင်းမဖော်တမ်း လွေးနေသည်ကိုမြင်လျှင် အမေကြီးက အလွန်သဘောကျသည်။ မြေးတွေထဲက တစ်ယောက် ယောက် အစားအသောက်ပျက်နေလျှင် အမေကြီးက “ငါ့မြေးလေး၊ အူတွေကျဉ်းနေပြီလား?” ဟု စိုးရိမ်တကြီးမေးကာ ခံတွင်းပေါက်စေမည့်ဟင်းလျာများကို ချက်ချင်းပင်ရှာကြံ၍ ချက်ပြုတ်ပေးတတ်၏။

            တစ်ကျိပ်ကျော်ကျော်အင်အားရှိသော မြေးထီးမြေးမတွေကလည်း တစ်ယောက်ကို အကြိုက်တစ်မျိုးစီ။ ဝက်သား ကို မိုးခိုသားမှစားတတ်သော မြေးတွေရှိသလို ငါးပိရည်ကို တစ်ခွက်လုံးလောင်းချပြီး နယ်ဖတ်စားသောက်တတ်သော မြေးလည်းရှိသည်။ တချို့မြေးက ပဲကုလားဟင်းကြိုက်၏။ တချို့မြေးကျတော့ ဘဲဥချဉ်ရည်ဟင်း။ အမေကြီးချက်သော ငါးဘတ်မွှေနှင့်မှ ထမင်းကောင်းကောင်းစားတတ်သော မြေးလည်းရှိပါသေးသည်။ မြေးများက တစ်ယောက်တစ်ပေါက်နှင့် အကြိုက်ထွေပြားကြသော်လည်း ဘယ်မြေးလာလျှင် ဘာဟင်းချက်ထားရမည်ကို အမေကြီးက နပ်ပြီးသား။ ထို့အပြင် ဘာဟင်းချက်ထားလျှင် ဘယ်မြေးကို ခေါ်ကျွေးရမည်ကိုလည်း ပြောစရာမလို…။

            အမေကြီးလက်ရာများအနက် ကျွန်တော်အကြိုက်ဆုံးဟင်းမှာ ကြက်သားကာလသားချက်…။

ဆီနည်းနည်း၊ ရေများများထည့်ကာ ဘူးသီးစိတ်ကလေးများ မနူးတနူးရော၍ချက်ထားသော ထိုကာလသားဟင်း တစ်ခွက်တည်းနှင့်ပင် အရည်သောက်လိုက်၊ အဖတ်စားလိုက်လုပ်ရင်း ထမင်းတွေ တစ်လုတ်ပြီးတစ်လုတ်၊ တစ်ပန်းကန်ပြီး တစ်ပန်းကန် လျှောခနဲ လျှောခနဲ ဝင်သွားတတ်သည်။ နောက်ထပ်အကြိုက်ဆုံး ဟင်းတစ်မျိုးကတော့ ပုစွန်ခြောက်ကို ညက်နေအောင်ထောင်းပြီး မွှေးနေအောင်ကြော်ထားသော ပုစွန်ခြောက်ငါးပိချက်။ သူ့ကိုတော့ အမေကြီးက အချိုနှင့်အစပ် ဟူ၍ နှစ်မျိုးချက်လေ့ရှိ၏။ ကျွန်တော်က အချိုထက်အစပ်ကို ပို၍ ခံတွင်းတွေ့သည်။ ထိုပုစွန်ခြောက်ငါးပိချက်ကိုတော့ ကျွန်တော်က ထမင်းနှင့်စားလေ့မရှိဘဲ သည်အတိုင်း သူ့ချည်းသက်သက် ထိုင်စားတတ်၏။ (တက္ကသိုလ်ကျောင်းသားဘဝ အဆောင်မှာနေရစဉ်ကလည်း လူကြုံရှိသည့်အခါတိုင်း ပို့ပေးလေ့ရှိသော အမေကြီး၏ပုစွန်ခြောက်ငါးပိချက်ကို တစ်ဆောင် လုံးက လက်မလည်အောင် ဝိုင်းအားပေးကြသဖြင့် ရောက်သည့်နေ့မှာပင် ကုန်သွားတတ်သည်။)

            ကျွန်တော်တို့မြေးများတင်မကဘဲ အမေကြီး၏သားသမီးများ ကိုယ်တိုင်ကလည်း အမေကြီးလက်ရာ အသည်းစွဲ ပင်။ အမေဆိုလျှင် ရန်ကုန်မှ ကျွန်တော်ပြန်လာသည့်အခါတိုင်း အမေကြီးကို ပုစွန်တုပ်ဟင်းချက်ခိုင်းပြီး ယူလာရန် အမြဲမှာ လေ့ရှိသည်။ ကျွန်တော်တို့မြို့မှာက ရေချိုပုစွန်ရှား၏။ ထိုအခါမျိုးများ၌ အမေကြီးသည် (သမီးစားဖို့အတွက်) ဈေးသို့ ကိုယ်တိုင်သွားပြီး ပုစွန်တုပ်များကို စိတ်ကြိုက်ရွေးဝယ်ကာ မီးဖိုချောင်ထဲတွင် မီးခိုးတစ်လုံးလုံး၊ ချွေးတစ်လုံးလုံးနှင့် ကျကျနန ချက်လေတော့၏။ ပြီးလျှင် ထမင်းဗူးလေးထဲသို့ထည့်ကာ ဆီတွေမယိုဖိတ်ရအောင် ပလတ်စတစ်အိတ် အထပ်ထပ်နှင့် သေသေချာချာ ထုပ်ပိုးပေးလိုက်လေ့ရှိသည်။

            အမေကြီးသည် သူ့လက်ရာများကို သားတွေ၊ သမီးတွေ၊ မြေးတွေ အားပါးတရစားနေသည်ကိုကြည့်ပြီး ပီတိပွား နေတတ်သော်လည်း သူ့ပိုင်နက် မီးဖိုချောင်ထဲသို့ တစ်ယောက်ယောက်ဝင်လာပြီး ချက်ပြုတ်လျှင် မကြိုက်တတ်။ တစ်ခါ တစ်ရံ ခေါက်ဆွဲပြုတ်ရန်၊ နွားနို့နွှေးရန်အတွက် အိုးတစ်လုံးကိုင်ပြီး မီးဖိုချောင်ထဲသို့ အဖေကြီးဝင်လာတတ်သည့်အခါ များတွင် အမေကြီးက “ရှင်ဖယ်နေစမ်းပါ…ကျွန်မလုပ်ပေးပါ့မယ်” ဟုဆိုကာ အဖေကြီးကို အိမ်ရှေ့သို့ အတင်းနှင်လွှတ် တတ်သည်။ ထမင်းတစ်စားပွဲလုံးကိုလည်း ငါးပိရည်၊ တို့စရာကအစ အချိုပွဲအထိ သူ့လက်နှင့် ကိုယ်တိုင်ကိုယ်ကျပြင်ဆင် ပေးရမှ ကျေနပ်၏။

*

အမေကြီးတွင် သွားလေရာ ဆောင်ထားတတ်သော ဆေးသေတ္တာ အဝါရောင်လေးတစ်လုံးရှိ၏။

            ယင်းဆေးသေတ္တာလေးထဲတွင် အမေကြီးနေ့စဉ်သောက်နေကျ သွေးတိုးကျဆေးရှိသည်။ နှလုံးငြိမ်ဆေးပါသည်။ ပရုတ်ဆီဘူးထည့်ထားသည်။ မျက်စဉ်းဆေးဆောင်ထားသည်။ ဖောက်လက်စ လျက်ဆားထုပ်ကလေးများလည်း တွေ့ရ တတ်သလို ဂမုန်းပေါင်းတစ်ထောင် သွေးဆေးပုလင်းလေးကလည်း အသင့်။ ကျွန်တော်တို့ငယ်စဉ်က အမေကြီး ဆေး သောက်ချိန်ရောက်တိုင်း မြေးများကို အနားသို့ခေါ်ပြီး လက်ဖဝါးလေးများ တန်းစီ၍ဖြန့်ခိုင်းထားတတ်သည်။ ထို့နောက် လက်သန်းလုံးခန့်ရှိသော ဂမုန်းပေါင်းတစ်ထောင် သွေးဆေးပုလင်းထဲသို့ သွားကြားထိုးတံကလေးနှင့်ထိုးမွှေပြီး ထွက်လာ သော နီနီညိုညိုအမှုန့်များကို လက်ဖဝါးပေါ်တွင် တစ်ယောက်နည်းနည်းစီ ပုံပေးသည်။ ထိုစဉ်က သွေးဆေး၏ အာနိသင် ဘာမှန်းမသိကြသော်လည်း လျက်လိုက်လျှင် လျှာပေါ်မှာစွဲကျန်ရစ်သော ချိုရှိန်းမြမြအရသာကြောင့် ကျွန်တော်တို့ အလွန် ကြိုက်ကြသည်။ တော်ရုံတန်ရုံ ဂျီကျတတ်သောမြေးဆိုလျှင် သွေးဆေးပုလင်းလေးထောင်ပြလိုက်သည်နှင့် အငိုချက်ချင်း တိတ်ပြီး လက်ဝါးဖြန့်တော့၏။ သို့သော် သွားနာသွားကိုက်သည့်အခါများတွင် အမေကြီးသိပ်ထည့်ပေးတတ်သော တရုတ် ဆေးမှုန့်ခါးခါးကြီးကိုတော့ မည်သူမှ မကြိုက်ကြ။

            နေ့လည်နေ့ခင်း အားလပ်သည့်အချိန်များတွင် အဖေကြီးရော အမေကြီးပါ စာအုပ်စာစောင်ကိုယ်စီနှင့် စာဖတ် လေ့ရှိကြ၏။ ဤအချိန်မျိုးများတွင် ကျွန်တော်တို့မြေးတစ်စု အပြေးအလွှားထမ်းဆောင်ကြရမည့် တာဝန်ကြီးတစ်ခု ရှိပါ သည်။ ထိုတာဝန်က ‘စာကြည့်မျက်မှန် ရှာဖွေပေးခြင်း’ ပင်။ အဖေကြီးတို့ နှစ်ယောက်စလုံးတွင် အဝေးကြည့်မျက်မှန် တစ်လက်နှင့် စာကြည့်မျက်မှန်တစ်လက်စီ ရှိကြသည်။ ယင်းမျက်မှန်နှစ်လက်ကို ခဏခဏ လဲလှယ်တပ်ဆင်ရသဖြင့် နေရာအထားမှားကာ စာဖတ်ချိန်ရောက်တိုင်း အမြဲလိုလိုပင်ရှာမတွေ့ဘဲ ပျောက်နေတတ်၏။ ထိုအခါ ကျွန်တော်တို့ ဦးစံရှားအဖွဲ့က မျက်မှန်ရှာပုံတော် ဖွင့်ပေးကြရသည်။ အရင်ဦးဆုံးတွေ့အောင်ရှာနိုင်သူကို အဖေကြီးနှင့်အမေကြီးက မုန့်ဖိုး ပေးလေ့ရှိသည်။ များသောအားဖြင့် မျက်မှန်များမှာ ခေါင်းအုံးအောက်၊ သတင်းစာအောက်များတွင် ဖုံးနေတတ်၏။

            တစ်ခါတလေ တစ်ယောက်ယောက်က လူလည်ကျပြီး မျက်မှန်များကိုကြိုဖွက်ထား၍ ရှာခိုင်းသည့်အချိန်ရောက် တော့မှ ဖွက်ထားရာကနေထုတ်ယူလာပြီး မုန့်ဖိုးညာယူလေ့ရှိသည်။ တစ်နေ့မှာတော့ အမေကြီးက မျက်မှန်ရှာခိုင်းသဖြင့် ကျွန်တော်တို့အားလုံး ဘုရားစင်၊ ထမင်းစားခန်းကအစ ရေချိုးခန်း၊ အိမ်သာပါမကျန် နေရာအနှံ့ ဒေါင်းတောက်အောင် လိုက်ရှာပါသော်လည်း လုံးဝ ရှာမတွေ့။ နောက်ဆုံး မှတ်လောက်သားလောက်ရှိတော့မှ အမေကြီးက သူကိုယ်တိုင်ဖွက် ထားသည့်မျက်မှန်ကလေးကို အားလုံးမြင်အောင် ထုတ်ပြသည်။

ထိုနေ့မှစ၍ မည်သူမှ မျက်မှန်မဖွက်ကြတော့…။

*

အမေကြီး၏ဆံပင်သည် ခါးလယ်လောက်အထိ ရှည်သည်။ ရေချိုးခေါင်းလျှော်ပြီး၍ ဆံပင်များကို ဖြန့်ချထားတတ်သည့် အခါတိုင်း ကျွန်တော်တို့က အမေကြီးခေါင်းကို အတင်းဖြဲကာ ဆံပင်ဖြူရှာကြသည်။ ထိုစဉ်က ဆံပင်ဖြူဈေး အလွန်ကောင်း သည်။ တစ်ပင်ကို ငါးကျပ်။ ထို့အပြင် “ဆံပင်ဖြူတစ်ပင်နှုတ်ပေးရင် ကုသိုလ်တစ်ပိဿာလောက်ရတယ်ကွဲ့” ဟူသော အမေကြီး၏ပြောစကားကြောင့် ဘာမှန်းညာမှန်းမသိဘဲ ကုသိုလ်ဆိုတာကြီးကို အတင်းလိုချင်ကြသော ကျွန်တော်တို့မှာ အားတက်သရော ဝိုင်းရှာကြတော့၏။ ရှည်လျားနက်မှောင်နေသော အမေကြီး၏ဆံပင်တွေကြားထဲမှာ ပုန်းကွယ်နေတတ် သော ငွေရောင်ဆံမျှင်များကို မတွေ့,တွေ့အောင်ရှာပြီး ဇာဂနာနှင့် အမြစ်ပါပါအောင် ဆွဲနှုတ်ရသည်မှာ ပျော်စရာတစ်မျိုး ပင်။

သို့သော် အမေကြီးက နေ့စဉ် အုံးဆီကို အိရွှဲနေအောင်လိမ်းတတ်သဖြင့် ဆံပင်ဖြူသိပ်ရှာမရတတ်။ အလွန်ဆုံးရမှ လေး ငါး ခြောက်ပင်ခန့်သာဖြစ်သောကြောင့် ကျွန်တော်တို့အုပ်စုအတွက် နေ့တွက်မကိုက်။ ထိုအခါ ကျွန်တော်တို့ မြေးရှုပ် တစ်သိုက်က တစ်ခေါင်းလုံးဖွေးဖွေးလှုပ်နေသော အဖေကြီး၏ဆံပင်ဖြူများကို မျက်စောင်းထိုးကြတော့၏။ နှုတ်ရဲသောမြေး တစ်ယောက်က “အဖေကြီး… ဆံပင်ဖြူနှုတ်မလား? တစ်ပင်သုံးကျပ်ပဲ ယူမယ်လေ” ဟု လက်သုံးချောင်းထောင်ပြပြီး ကြေး စခေါ်တော့ အဖေကြီးက အလွန်သဘောကျပြီး တဟားဟားရယ်လေသည်။ သို့သော်လည်း ပိုက်ဆံရရ မရရ ကုသိုလ်ရရင် ပြီးရောဟု သဘောထားပြီး ဆံပင်ဖြူနှုတ်မည်တကဲကဲ ပြင်နေကြသောမြေးတွေကို မတားနိုင်တော့သဖြင့် အဖေကြီးက “အမေကြီးရေ…ခင်ဗျားမြေးတွေကို ကျုပ်မနိုင်တော့ဘူးဗျို့” ဟု စစ်ကူတောင်းရတော့၏။ ဒါတောင် လက်မြန်သူတွေက တဗြုတ်ဗြုတ်ဆွဲနှုတ်ကြသဖြင့် ဆံပင်ဖြူတွေ သုံးလေးပင်လောက် ပါသွားသေးသည်။

ထိုနေ့မှစ၍ အဖေကြီးလည်း လက်သံပြောင်လှသော ကျွန်တော်တို့အန္တရာယ်မှ ကင်းဝေးစေရန် ဆံပင်ဖြူများကို အမြန်ဆုံးပြန်နက်သွားအောင် ဆေးဆိုးထားလိုက်ရတော့၏။

*

ယခုအခါ အဖေကြီးရော အမေကြီးပါ အသက်အရွယ် အတော်အတန်ထောက်လာကြပြီ။ ငယ်စဉ်က ကျွန်တော့်သွားတွေကို တစ်ချောင်းပြီးတစ်ချောင်းဆွဲနှုတ်ပေးခဲ့သော အမေကြီးမှာလည်း သွားတွေတစ်ချောင်းမှ မကျန်တော့။ ထမင်းစားလျှင် သွားဖုံးကလေးနှင့် ကြိတ်ကြိတ်ပြီး ဝါးနေရ၏။

အသက်ကြီးလာတော့ မေ့တတ်လာသဖြင့် ဟင်းချက်သည့်အခါ ဆားကို နှစ်ခါသုံးခါ ခတ်မိလာတတ်ပြီ။ တစ်ခါ တစ်ရံ၌လည်း ဆားလုံးဝ,မခတ်မိ။ အရင်ကကဲ့သို့ ဟင်းတွေတစ်မယ်ပြီးတစ်မယ်ချက်ကာ လက်စွမ်းမပြနိုင်တော့သော် လည်း အမေကြီးသည် အချိန်တန်လျှင် မီးဖိုချောင်ထဲသို့ဝင်နေဆဲ၊ ထမင်းဟင်းတွေကို ချက်ပြုတ်နေဆဲ။ မြေးတွေ အိမ် အလည်လာလျှင်လည်း “ငါ့မြေးတို့…ထမင်းစားသွားကြဦးလေ” ဟုခေါ်မြဲ…။ အမေကြီးလက်ရာများကလည်း မှော်ဝင်နေ သောကြောင့်လားမသိ၊ ယနေ့ထက်တိုင် စား၍ကောင်းနေဆဲ…။

စုံစီနဖာဆေးသေတ္တာလေးထဲ၌လည်း နေ့စဉ်သောက်ရမည့်ဆေးများ တစ်မျိုးပြီးတစ်မျိုး၊ တစ်ကတ်ပြီးတစ်ကတ် တိုးတိုးလာပြီ။ ဆေးသောက်ရမည့် အကြိမ်ရေကလည်း ပိုများလာပြီ။ သို့သော် အမေကြီးလက်စွဲ ဂမုန်းပေါင်းတစ်ထောင် သွေးဆေးပုလင်းလေးခမျာမှာတော့ အရင်တုန်းကလို တိုးဝှေ့အားပေးမည့်သူများ မရှိကြတော့သဖြင့် သေတ္တာထောင့်၌ ကပ်ကာ ညှိုးဖျော့လျက်ရှိ၏။

            ခဏခဏပျောက်တတ်သော အမေကြီး၏မျက်မှန်များ တစ်နေ့တစ်ခြား ထူထူလာသကဲ့သို့ ရှည်လျားနက်မှောင်ခဲ့ သော ဆံပင်များကလည်း တစ်စထက်တစ်စ ဖြူရော်ကျဲပါးကြကုန်ပြီ။ အရင်ကလို ဇာဂနာတစ်ယောက်တစ်ချောင်းနှင့် အလုအယက် ဝိုင်းနှုတ်ပေးကြမည့် မြေးတစ်ဖြာကလည်း (အကြောင်းအမျိုးမျိုးကြောင့်) အနားမှာတစ်ယောက်မှ မရှိကြ တော့။

            သို့သော်လည်း အနားမှာရှိသည်ဖြစ်စေ မရှိသည်ဖြစ်စေ အမေကြီးကတော့ မြေးတွေကို အရင်တုန်းကလို ချစ်နေမြဲ၊ သတိရနေမြဲ…။

            ယာဖျက်တော့သခွား ဆိုသည်မှာ ဟုတ်ကောင်းဟုတ်နိုင်သော်လည်း မြေးဖျက်တော့အဘွား ဆိုသည်ကိုတော့ လုံးဝ သဘောမတူနိုင်။ ‘သားအချစ်၊ မြေးအနှစ်’ ဆိုသည့်အတိုင်း ကိုယ်တိုင်ဝမ်းနှင့်လွယ်၍ မမွေးခဲ့ရသော်လည်း အမေကြီး သည် မြေးတစ်ကျိပ်ကျော်တို့၏ ချစ်လှစွာသော မွေးစားမိခင်ကြီးတစ်ဦး ဖြစ်မြဲဖြစ်နေဆဲပင်…။

လင်းဇင်ယော်

အတွေးအမြင် အမှတ်(၂၄၅)၊ သြဂုတ်၊ ၂၀၁၂။