ကုလားထိုင်တစ်လုံးနဲ့
စတန့်ဘယ်နှစ်မျိုးလောက် လုပ်ပြလို့ရမလဲ
ကမ္ဘာကျော်စတန့်မင်းသား စဉ်းစားတယ်
ကျားတစ်ကောင်လို ကုလားထိုင်ပေါ်က
လွှားခနဲ ခုန်ကျော်ရပြမလား
မြွေတစ်ကောင်လို ကုလားထိုင်အောက်က
လျှောခနဲ လျှိုဝင်ပြရမလား
ဒါမှမဟုတ် လုံးထွေးသတ်ပုတ်ရင်းနဲ့ မျောက်တစ်ကောင်လို
ကုလားထိုင်ပေါ်မှာ စတိုင်ကျကျ တက်ထိုင်ပြရမလား
ကြမ်းပြင်ပေါ်ကို ဒီအတိုင်း ပစ်လှဲချရတာ
ပျင်းစရာကောင်းပါတယ်
ဒါကြောင့်…ရှေ့ကျွမ်းပစ်ပြီး ပစ်လှဲချတယ်
နောက်ကျွမ်းထိုးပြီး ပစ်လှဲချတယ်
ကိုယ်ခန္ဓာကို ဂျင်တစ်လုံးလို
နှစ်ပတ်သုံးပတ်လှည့်ပြီး ပစ်လှဲချတယ်
ယမ်းဘီလူးတွေ ဒီအတိုင်းဖောက်ခွဲပြရတာ
ရင်ခုန်စရာမကောင်းဘူး
ဒါကြောင့် မီးတောက်တွေ မီးခိုးလုံးတွေ
မီးရှူးမီးပန်းတွေရဲ့ နှာမှုတ်သံကြားမှာ
ကမ္ဘာကျော်စတန့်မင်းသားက
သက်စွန့်ဆံဖျား လွတ်အောင်ပြေးပြတယ်
(တချို့နေရာတွေမှာတော့ အပြာရောင်နောက်ခံပိတ်ကားရဲ့
အကူအညီနည်းနည်း ယူရတာပေါ့)
အကုန်အကျများလွန်းတဲ့
ဟောလီးဝုဒ်ရဲ့ အထူးပြုလုပ်ချက်တွေက
ပန်းသီးထည့်တဲ့ စက္ကူသေတ္တာတွေရဲ့အသုံးဝင်မှုကို
အလဲမထိုးနိုင်သေး
ကမ္ဘာကျော်စတန့်မင်းသားက
ဦးထုပ်နဲ့လည်း စတန့်လုပ်ခဲ့
ယပ်တောင်နဲ့လည်း စတန့်လုပ်ခဲ့
လှေကားတွေနဲ့လည်း စတန့်လုပ်ခဲ့
စက်ဘီးစီးရင်းနဲ့လည်း စတန့်လုပ်ခဲ့
ယူအက်စ်ဒေါ်လာအနည်းငယ်ပေးရတဲ့
နန်းကြိုးမျှင်တွေနဲ့လည်း စတန့်လုပ်ခဲ့
တွေ့သမျှ မြင်သမျှပစ္စည်းတွေနဲ့လည်း
(ကလေးတွေ)ရယ်အောင် စတန့်လုပ်ပြခဲ့
ဘောလုံးနဲ့သာ စတန့်ရမယ်ဆိုရင်
ကမ္ဘာကျော်ဘောလုံးကြီးတွေ
ကွင်းအပြင်ကိုလွင့်ထွက်ကုန်လိမ့်မယ်
တက္ကဆပ်က နွားကျောင်းသားတွေလို
လက်ညှိုးပေါ်မှာ ပစ်စတိုသေနတ်ကို
ကျွမ်းဘားကစားခိုင်းတဲ့စတန့်က ရိုးအီနေပြီ
ဒါတွေကို ခေတ်သစ်မှာ မသုံးတော့ဘူး
ဒါကြောင့် သေနတ်စတန့်အသစ်တွေ ဆန်းသစ်ခဲ့တယ်
စတန့်တချို့ဟာ လှည့်စားချက် ဒါပေမယ့်
စတန့်တချို့ဟာ ပင်ကိုစွမ်းရည်
စတန့်သာလုပ်ရမယ်ဆိုရင် အရှိန်ပြင်းပြင်းပြေးလွှားနေတဲ့
ခရီးသည်တင်ယာဉ်ကြီးတစ်စီးရဲ့ ကျောပေါ်ကနေ
နောက်တစ်စီးပေါ်ကို ခုန်ကူးပြဖို့ ဝန်မလေးဘူး
သွေးကြွနေတဲ့မီးခဲတွေပေါ်ကနေ
ခြေဗလာနဲ့ဖြတ်လျှောက်ပြဖို့ ဝန်မလေးဘူး
အရိုးအဆစ်တွေ တစ်စစီကျိုးအက်သွားလဲ ဝန်မလေးဘူး
စိတ်ကြိုက်စတန့်ရိုက်ချက်ရဖို့အတွက်
ဖလင်တွေကိုလည်း အားမနာတတ်ဘူး
ကမ္ဘာကျော်စတန့်မင်းသားနဲ့ တွဲပြီးသရုပ်ဆောင်မယ်ဆိုရင်
မင်းသမီးလည်း နည်းနည်းပါးပါးတော့ စတန့်နိုင်မှရမယ်
တိုက်အမြင့်ကြီးပေါ်က စတန့်ရဲသလား
မှန်ကွဲစတွေကြားထဲ စတန့်ရဲသလား
လှေကားထစ်တွေပေါ်က ဒလိမ့်ကောက်ကွေး စတန့်ရဲသလား
ကမ္ဘာကျော်စတန့်မင်းသားရဲ့ စတန့်တွေကြောင့်
အာရှတိုက်မှာ ရုံလျှံသွားတဲ့အခါ
ဟောလီးဝုဒ်မှာ စတန့်လုပ်ပြဖို့ ထပ်ကြိုးစားတယ်
ကော်ဇောနီပေါ်ရောက်လာတဲ့ ကမ္ဘာကျော်စတန့်မင်းသားဟာ
မိခင်တိုင်းပြည်က
လုပ်ဖော်ကိုင်ဖက်တွေကို လက်တွဲခေါ်တယ်
မျိုးဆက်သစ်တွေကို လက်တွဲခေါ်တယ်
ဟောလီးဝုဒ်က နည်းပညာတွေကို
မိခင်တိုင်းပြည်ဆီ ဖြန့်ဝေပေးခဲ့သလို
မိခင်တိုင်းပြည်ရဲ့ လျှို့ဝှက်ပန်းချီကားတွေကိုလည်း
ကမ္ဘာသိအောင် တစ်ချပ်ပြီးတစ်ချပ် ထုတ်ပြခဲ့တယ်
စတီဗင်ဆီးဂဲလ်ရဲ့စတန့်ကို လူစားထိုးလို့ရတယ်
ဗန်ဒိန်းရဲ့စတန့်ကို လူစားထိုးလို့ရတယ်
အာနိုးကြီးရဲ့စတန့်ကို လူစားထိုးလို့ရတယ်
ကမ္ဘာကျော်စတန့်မင်းသားရဲ့စတန့်ကို လူစားထိုးရင်တော့
ပရိတ်သတ်က ခွင့်လွှတ်မှာမဟုတ်ဘူး
(ကမ္ဘာကျော်စတန့်မင်းသား ဖြစ်နေလို့တဲ့)
ကမ္ဘာကျော်စတန့်မင်းသားဟာ
အမြင်လှည့်စားတဲ့ရိုက်ချက်တွေ တိုးတက်လာပေမယ့်လည်း
စတန့်တွေ ကိုယ်တိုင်လုပ်ပြနေတုန်းပဲ
ဂင်းနစ်စာအုပ်မှာ မှတ်တမ်းတင်ခံရပေမယ့်လည်း
စတန့်တွေ ကိုယ်တိုင်လုပ်ပြနေတုန်းပဲ
မဒမ်တူးဆော့ကို ရောက်ရှိခဲ့ပေမယ့်လည်း
စတန့်တွေ ကိုယ်တိုင်လုပ်ပြနေတုန်းပဲ
စတန့်တွေကြောင့် သေလုမြောပါးခံစားခဲ့ရပေမယ့်လည်း
စတန့်တွေ ကိုယ်တိုင်လုပ်ပြနေတုန်းပဲ
ကမ္ဘာကျော်စတန့်မင်းသားဟာ
အထူးပြုလုပ်ချက်တွေကို မသုံးပါဘူး
အကြောင်းက…
ကမ္ဘာကျော်စတန့်မင်းသားကိုယ်တိုင်က
ပြီးပြည့်စုံတဲ့ အထူးပြုလုပ်ချက်တစ်ခု
ဖြစ် နေ လို့ ပါ ပဲ
(၇၊၇၊၂၀၁၁)
1. Jackie Chan - My Stunts (1999)
2. Jackie Chan - Fast Funny and Furious (2002)
