ထရိုဂျန်မြင်းရုပ်မဝင်နိုင်တဲ့မြို့

ခါးသီးလှသောနေ့ရက်တို့ကို ဖန်တီးပေးခဲ့သည့် ကတ္တီပါလမ်းခွဲ၏အစသည် ဝေးကွာခြင်းဖြစ်ခဲ့သောကြောင့် ရင်းနှီးခဲ့ရသည့် နှလုံးသားတစ်ခုအစား တနင့်တပိုးပြန်လည်ရရှိခဲ့သောလက်ဆောင်မှာ ကြေကွဲခြင်းဖြစ်ခဲ့/ ရုတ်တရက် လစ်ဟာသွားသည့် ကွက်လပ်တစ်ခုကို လွမ်းဆွတ်တမ်းတရင်း အဖော်ပြုနေခဲ့ရသူမိတ်ဆွေတစ်ဦးမှာ အထီးကျန်ခြင်းဖြစ်ခဲ့သောကြောင့် နေ့စဉ် ရက်ဆက် သွေးပျက်ချောက်ချားခဲ့ရသော ဝေဒနာတို့ကို တဖွဲဖွဲရွာသွန်းစေခဲ့သည်မှာ ဒဏ်ရာဖြစ်ခဲ့/ တစစ်စစ် ကိုက်ခဲ နာကျင်လျက်ရှိသည့် ဒဏ်ရာတို့ကို သက်သာကောင်းမွန်စေရန် ကုစားပေးခဲ့သော သမားတော်တစ်ဦးမှာ အချိန်ဖြစ်ခဲ့ သောကြောင့် မေ့ပျောက်၍မရနိုင်လောက်အောင် တစ်စစီလွင့်စင်ခဲ့သည့် ကာလတစ်ခုရှိခဲ့ဖူးကြောင်း ရံဖန်ရံခါ အမှတ်ရစေ သည်မှာ အမာရွတ်ဖြစ်ခဲ့/ အစွဲအလန်းလွန်ကဲတတ်သည့် မှတ်ဥာဏ်အကန့်များထဲမှ မည်သို့ပင် ဖျောက်ဖျက်ပစ်၍ မရခဲ့ သောအရာမှာ ပုံရိပ်ဖြစ်ခဲ့သောကြောင့် ယင်းပုံရိပ်တို့နှင့် နေသားတကျဖြစ်စေရန် ပင်ပန်းကြီးစွာလေ့ကျင့်ခဲ့ရသော အတတ် ပညာတစ်ခုမှာ ခွင့်လွှတ်ခြင်းဖြစ်ခဲ့/ ဆွေးမြည့်သွေ့ခြောက်နေခဲ့သည့် ဖုန်းဆိုးမြေတစ်ခုကို ပြန်လည်စိမ်းမြလန်းဆတ်စေရန် ရရှိခဲ့သောဆုလာဘ်တစ်ပါးမှာ အသစ်တစ်ဖန်မွေးဖွားခြင်း ဖြစ်ခဲ့သောကြောင့် အရောင်အသွေးစိုလက်သည့် ဥယျာဉ်တော် တစ်ခုဖြစ်ထွန်းစေရန် လိုအပ်လာသောအနုပညာတစ်ရပ်မှာ နားလည်မှုဖြစ်ခဲ့/ မုန်တိုင်းများကြားမှ အစွမ်းကုန်ဖြူစင်စွာဖြင့် အသစ်ဖူးပွင့်လာခဲ့သည့် အဖိုးတန်ရတနာမှာ ပန်းကလေးတစ်ပွင့်ဖြစ်ခဲ့သောကြောင့် ချိုမြမွှေးရှသည့်ရနံ့တို့ဖြင့် စကြဝဠာ အနှံ့ သင်းပျံ့ထုံမွမ်းစေခဲ့သည်မှာ ရဲရင့်ခြင်းဖြစ်ခဲ့/

မိုးလေတိမ်တောင်တို့ မသာယာစဉ်အခိုက်အတန့်များ၌ ပန်းပွင့်ကလေးကို မကြည်လင်စေခဲ့သည်မှာ အလိုမကျခြင်းဖြစ်ခဲ့ သောကြောင့် ပြန်လည်ဝင်းပလာစေရန် ယုယစွာတောက်ဖျန်းပေးခဲ့ရသော ပြာလဲ့လဲ့ရေမှုန်စက်ကလေးများမှာ ခယခြင်း ဖြစ်ခဲ့/ ခဏတာခွဲခွာနေရစဉ် အချိန်ကာလများ၌ ချိုမြိန်စွာငေးမောနေရသည်မှာ ရွှန်းစိုတောက်ပသည့် မျက်ဝန်းလေးများ ဖြစ်ခဲ့သောကြောင့် အာသာပြင်းပြင်း ခုံမင်ယစ်မူးစွာတောင့်တမိသည်မှာ ပါးလွှာနူးညံ့သောနှုတ်ခမ်းတစ်စုံဖြစ်ခဲ့/ အရာအား လုံးကို ညင်သာစွာပြီးမြောက်အောင်မြင်နိုင်မည့် တစ်စုံတစ်ယောက်သည် သူ(မ) ဖြစ်ခဲ့သောကြောင့် အရာအားလုံးကို ဝမ်းမြောက်ဝမ်းသာ စွန့်လွှတ်အနစ်နာခံမည့် တစ်စုံတစ်ယောက်မှာ ကျွန်တော်ဖြစ်ခဲ့/ ကျွန်တော်တို့နှစ်ယောက်ကို အေးချမ်းသိမ်မွေ့စွာ အတူတွဲဖက်စေသည့် ကြိုးကလေးတစ်ချောင်းမှာ ချစ်ခြင်းမေတ္တာဖြစ်ခဲ့သောကြောင့် ဆူးခလုတ် တင်းကြမ်းခရီးလမ်းမှာ အပြုံးမပျက်လက်တွဲမပြုတ် လျှောက်လှမ်းစေနိုင်မည့်အင်အားတစ်ခုမှာ အနာဂတ်ဖြစ်ခဲ့/ အနာဂတ် တွင် ပြိုးပြက်လင်းလက်လာအောင် ဖွဲ့တည်ပုံဖော်ရမည့်အရာသည် အသိုက်အမြုံဖြစ်ခဲ့သောကြောင့် ယင်းအသိုက်အမြုံ လေး တစ်စစီကွဲအက်ကြွေလွင့်မသွားစေရန် ရစ်ပတ်ချည်နှောင်ပေးထားသည်မှာ ချိုလွင်လွင် ဆည်းလည်းလေးများဖြစ်ခဲ့/ အနှိုင်းမဲ့ဂီတတို့ အလျင်မပြတ် စီးဆင်းလာစေမည့် ချစ်စရာဆည်းလည်းလေးများ၏နေ့ရက်တို့ကို အရောင်စုံစေသည်မှာ မျှော်လင့်ချက်ဖြစ်ခဲ့သောကြောင့် ထိုမျှော်လင့်ချက်ကို ထင်ရှားပေါ်လွင်လာစေရန် ထုဆစ်ပေးနိုင်မည့် ကြီးမားသော ခွန်အားတစ်စုံတစ်ရာမှာ ယုံကြည်ချက်ဖြစ်ခဲ့/

လင်းဇင်ယော်

၂၀၁၁၊ သြဂုတ်။