နေမိန့်သေမိန့်

                                                                              

                                                                             (၁)

“တစ်ခုခုစားဖို့ပါးစပ်ဟလိုက်ရင် အကြိတ်နေရာအတွင်းဘက်က တအားနာတယ်။ အစာစားလို့မေးရိုးလှုပ်ရှားမှုများရင် ပိုနာ တယ်။ ချွဲလည်းတအားထွက်ထွက်နေလို့၊ ချွဲထွက်များရင် ရောင်နေတဲ့နေရာက ‘ကိုက်’ လာပြီး နားအိမ်ကို စူးခနဲ စူးခနဲ ထိုး တယ်။ ပြီးရင် နားရွက်နောက် ဦးနှောက်လက်ဝဲဘက်ခြမ်း ‘တက်’ လာတယ်။ အရင်တုန်းကလို သတိလစ်မတတ်တော့ မဖြစ်တော့ဘူး။ အခု ဆရာဝန်ကြီးပေးတဲ့ဆေး ၁၀ မီလီဂရမ်တုန်းက နည်းနည်းအဆင်ပြေတယ်။ ၅ မီလီဂရမ်ပြောင်း သောက်တဲ့သုံးရက်မှာ ညနက်ပိုင်းလုံးဝအိပ်မပျော်ဘဲဖြစ်နေတယ်။ မနေ့ ကြာသပတေးနေ့က ဦးပဇင်းကိုလေးကတစ်ဆင့် အနာကိုက်ရင်စအိုထဲထည့်ပေးရတဲ့ ဂြိုဟ်တုဆေးတောင့်မှာလိုက်ပြီး ထည့်လိုက်လို့သက်သာသွားတယ်။ ဆေးရုံကြီးအရှေ့ ကဆေးဆိုင်ကိုမှာလိုက်တာဖြစ်တယ်။ ဆေးငါးတောင့် တစ်တောင့်သုံးပြီးကျန်တာ ကျောင်းကရေခဲသေတ္တာထဲမှာ ထည့် သိမ်းထားတယ်။”

            စာရွက်ခေါက်လေးကိုဖြန့်ဖတ်လိုက်ပြီးနောက် ဦးတေမိကိုမော့ကြည့်လိုက်တော့ နာကျင်မှုကိုကြိုးစားဖြေဖျောက် နေရသော မျက်လုံးများကိုတွေ့လိုက်ရ၏။ လည်ပင်းမှာလည်း အပေါက်ကြီးတစ်ပေါက် ဟောင်းလောင်းပွင့်လျက်။ အသက် ရှူလမ်းလွှဲပေါက်။ ဦးတေမိက လေပြွန်ကင်ဆာလူနာ။ ခွဲစိတ်ခန်းဝင်ပြီး လေပြွန်တစ်ခုလုံးထုတ်ပစ်ထားရသဖြင့် စကား မပြောနိုင်တော့။ စာနှင့်ရေးပြီး သာပြောနေရသည်။ အသံအိုး၊ အသံကြိုးတွေပါ ဖြတ်ထုတ်ပစ်ထားရသည်။ အရုပ်ကြိုးက တော့ မပြတ်သေး။ သို့ပေမယ့် ခပ်တည်းတည်း။

            သေမိန့်ကိုပယ်ဖျက်၍မရတော့ နေမိန့်ကိုရသလောက်ဆွဲဆန့်နေရသူ။ သို့သော် သက်တောင့်သက်သာ နေမိန့် မဟုတ်။ နာကျင်ကိုက်ခဲမှုဗရပွနှင့် နေမိန့်။ ကင်ဆာဆဲလ်တွေက ဦးနှောက်ထဲအထိပြန့်နှံ့လှိုက်စားနေသဖြင့် နာကျင်မှုများ မှာ သူ့စာထဲကအတိုင်း သတိလစ်မတတ်ပင်။ မော်ဖင်းကလွဲပြီး အခြားဘာဆေးမှမတိုးတော့။ မော်ဖင်းတောင် ပြင်းအား များမှရတော့၏။

            သူ့အတွက် နေမိန့်လက်ကျန် ဘယ်နှစ်လ၊ ဘယ်နှစ်ရက်၊ ဘယ်နှစ်နာရီ၊ ဘယ်နှစ်မိနစ်၊ ဘယ်နှစ်စက္ကန့်…။

                                                                            (၂)

မောင်ရဲ။ အသက် ၁၇ နှစ်။ နှာခေါင်းသွေးယို၍ ဆေးရုံလာပြရာမှ ကင်ဆာအကြိတ်ပိုင်ရှင်ဖြစ်သွားသူ။

            ခွဲစိတ်နေစဉ် ဖြစ်ပေါ်လာနိုင်သည်များကိုရှင်းပြပြီး သွေးဆယ်လုံးနှင့်ခွဲခန်းစဝင်သည်။ ခွဲစိတ်ချိန် ဆယ်နာရီကြာ သည်။ နှာခေါင်းတွင်းမှအကြိတ်ကိုခွဲထုတ်ပြီးသည်နှင့် ရေပိုက်ခေါင်းပွင့်ထွက်လာလို သွေးတွေဒလဟောပန်းထွက်လာကာ မောင်ရဲ ရုတ်တရက် နှလုံးရပ်သွားသည်။ ခွဲခန်းထဲမှာ ပွက်လောရိုက်သွားသည်။ ခွဲခန်းထဲကထွက်လာတော့ အထူး ကြပ်မတ်ကုသဆောင်မှာ အထူးကြပ်မတ်ကုသမှုများ ဆက်လက်ခံယူရသည်။ ဆေးရုံကဆင်းပြီး တစ်နှစ်ခန့်ကြာသွား သည်။ မောင်ရဲ ဆေးရုံပြန်လာပြသည်။ ကင်ဆာအကြိတ်ပြန်ကြီးလာသည်။ ဓာတ်ကင်ဖို့အတွက် ရန်ကုန်လည်းမသွားနိုင်။ သို့နှင့် ဆရာဝန်ကြီးက ခွဲခန်းထပ်ဝင်မည်ဟုဆုံးဖြတ်ချက်ချသည်။ ဖြစ်ပေါ်လာနိုင်သော ဆိုးကျိုးများကိုထပ်ရှင်းပြသည်။ မောင်ရဲ ခေါင်းညိမ့်သည်။ သွေးငါးလုံး အဆင်သင့်လုပ်ထားရသည်။

            သည်တစ်ခါ မောင်ရဲ သေမိန့်ကိုဘယ်အတိုင်းအတာအထိ လွန်ဆန်ပြနိုင်ဦးမလဲ။ သည်တစ်ခါ ခွဲစိတ်ချိန် ဘယ် လောက်ကြာဦးမလဲ။ သည်တစ်ခါ အထူးကြပ်မတ်ကုသဆောင်ကို ပို့ရဦးမလား။ သည်တစ်ခါ မောင်ရဲ နေမိန့်ဘယ်လောက် ရဦးမလဲ။ သည်တစ်ခါ…။

                                                                          (၃)

အရေးပေါ်ဌာနကို သူရောက်လာကတည်းက အသက်ပါမလာတော့…။

            မျက်နှာကဖွေးဆုတ်နေပြီ။ ခန္ဓာကိုယ်က အေးစက်တောင့်တင်းနေပြီ။ သူငယ်အိမ်ကကျယ်နေပြီ။ နှလုံးခုန်ရပ်နေ ပြီ။ လက်ဖဝါးမှာ လောင်ကျွမ်းဒဏ်ရာနှင့်။ မတော်တဆ ဓာတ်လိုက်သေဆုံးမှု။

            အဖြစ်အပျက်က မြန်ဆန်လွန်းလှသည်။ သေဆုံးသူက လက်သမားအကူ။ လူငယ်တစ်ယောက်။ နေ့လည် ထမင်း စားနားရန်အတွက် ပစ္စည်းတွေဖြုတ်သိမ်းနေချိန်။ လျှပ်စစ်ပလပ်ပေါက်တစ်ခုကိုဆွဲအဖြုတ် ရုတ်တရက်ဓာတ်လိုက်ခံလိုက်ရ ခြင်းဖြစ်သည်။ ခန္ဓာကိုယ်တွင်းသို့ လျှပ်စစ်စီးဝင်အား အလွန်ပြင်းထန်ပုံရသည်။ လက်သမားဆရာက မိန်းခလုတ်ကို အမြန် ပြေးချသော်လည်း နောက်ကျသွားခဲ့ပြီ။ မိန်းချပြီးသည်နှင့် သူလဲကျသွား၏။ ခေါ်၍မရတော့။

            နေမိန့်လက်ကျန်ကုန်ခါနီးပြီဖြစ်ကြောင်း ကြိုတင်သတိပေးချက်မရလိုက်ရှာ။ ထို့အတူ နာကျင်မှုကိုလည်း အလွန် အမင်း မခံစားလိုက်ရရှာ။ မျက်စိတစ်မှိတ်၊ လျှပ်တစ်ပြက်မျှသာ။

                                                                        (၄)

ဝါလတ်၊ ဝါတန်း စသောငါးဖမ်းလှေကြီးများ ပင်လယ်ထဲတစ်ခါထွက်လျှင် သုံးလခန့်ကြာတတ်သည်။ သုံးလအတွင်း ဖမ်းမိ သမျှ ငါးကြီး၊ ငါးလတ်၊ ငါးသေး၊ ငါးမွှား၊ ပုစွန်၊ ကဏန်း၊ ခရု၊ ရှပ် အားလုံး အမျိုးအစားခွဲပြီး ရေခဲရိုက်ရ၏။ ထိုအထဲမှ ဈေးမရသော ငါးသေး၊ ငါးမွှားတို့ကို ထုထောင်းကြိတ်ချေပြီး ‘ပါကင်’ ဟုခေါ်သော လှေဝမ်းထဲရှိသစ်သားအကန့်ကြီးများ ထဲသို့ထည့်ကာ ရေခဲများနှင့်ဖိသိပ်ထားရ၏။ ငါးဖမ်းကာလပြီးဆုံး၍ ကမ်းပြန်ကပ်သောအခါမှသာ လှေဝမ်းကြီးကိုဖွင့်ပြီး ထို ငါးပါကင်များကို နှိုက်ရသည်။ ဤသည်ကို ‘ငါးပါကင်တူးသည်’ ဟု ခေါ်ကြသည်။

            ငါးတွေကိုရေခဲရိုက်ပြီး ကာလကြာရှည်ပိတ်ထားရသဖြင့် အနံ့ဆိုးများနှင့်မွန်းလှောင်နေ၏။ အောက်ဆီဂျင်လုံးဝ မရှိ။ ထို့ကြောင့် ငါးပါကင်မတူးခင် လှေဝမ်းကိုကြိုဖွင့်ထားပြီး အနံ့ဆိုးများထွက်အောင်စောင့်ရသည်။ မစောင့်နိုင်ဘဲ ဆင်း တူးကြသည့်အခါ အောက်ဆီဂျင်ပြတ်ပြီး သတိလစ်မေ့မြောခြင်း၊ အသက်သေဆုံးခြင်းအထိ ဖြစ်တတ်သည်။

            အလုပ်သမားတစ်ယောက်က စိတ်မြန်လက်မြန်နှင့် ငါးပါကင်ဆင်းတူး၏။ ပါကင်ထဲဆင်းပြီးမကြာမီမှာပင် အောက် ဆီဂျင်ပြတ်ပြီး သတိလစ်မေ့မြောသွားရာ အလုပ်သမားခေါင်းဆောင်က ကြိုးတစ်ချောင်းခါးမှာချည်ပြီး ဆင်းကယ်သည်။ ပါကင်ထဲသို့ ဆင်းရင်း၊ ပြုရင်း၊ သယ်ရင်း၊ မရင်းနှင့်ပင် အလုပ်သမားခေါင်းဆောင်လည်း အောက်ဆီဂျင်ပြတ်လာ၏။ ခေါင်း ဆောင်က သူ့ခါးမှကြိုးကိုဖြုတ်ပြီး သတိလစ်နေသောအလုပ်သမားခါးမှာ ချည်ပေးလိုက်ပြီး လှေပေါ်မှလူများကိုဆွဲတင်စေ လိုက်သည်။ ပါကင်ထဲသို့ ကြိုးစပြန်ချပေးသည့်အခါမှာတော့ ခေါင်းဆောင်ခမျာ ပြန်တက်မလာနိုင်တော့။

            မကြာမီမှာပင် အလုပ်သမားက ဆေးရုံရောက်သွား၏။

အလုပ်သမားခေါင်းဆောင်က ရင်ခွဲရုံရောက်သွား၏။

ရှင်သူမှာက ဇနီးမယားနှင့်၊ ကိုယ်ဝန်သုံးလနှင့်။ သေသူမှာက ဇနီးမယားနှင့်၊ ကလေးနှစ်ယောက်နှင့်…။

နေမိန့်နှင့်သေမိန့်ကို အလဲအလှယ်လုပ်ခဲ့ကြလေသည်လား…။

                                                          (၆)

နေမိန့်သေမိန့်သည် သူ့အလိုအလျောက် ဖြစ်တည်ပျက်သုဉ်းနေခြင်းဖြစ်၏။

နေမိန့်သေမိန့်သည် တစ်စုံတစ်ရာက ပြုလုပ်ဖန်တီးနေခြင်းဖြစ်၏။

           

                                                                                                                            လင်းဇင်ယော်

                                                                                                                              ၂၀၁၃၊ မေ။