ဆေးရုံကြောရုံ

ဒီမြို့မှာ ပြည်သူ့ဆေးရုံ

နှစ်ရုံပဲရှိတယ်

ဒီဆေးရုံမှာ

အပေါ်ထပ်နဲ့

အောက်ထပ် နှစ်ထပ်ပဲရှိတယ်

ဒီဆေးရုံမှာ မိန်းမလူနာနဲ့ ကလေးလူနာ နှစ်မျိုးပဲရှိတယ်

ဒီဆေးရုံမှာ လူနာရဲ့ရောဂါမှတ်မိတဲ့ဆရာဝန်နဲ့ လူနာရဲ့နာမည်မှတ်မိတဲ့ဆရာဝန် နှစ်မျိုးပဲရှိတယ်

အရေးကြီးတာက ရေးဖို့ ခြစ်ဖို့ မှတ်ဖို့ သားဖို့ ဘောပင်မပျောက်စေဖို့

ဂျူတီနေ့ဆိုရင် ညနေလေးနာရီနောက်ပိုင်း တစ်ဆေးရုံလုံး ကိုယ်ပိုင်သွားပြီ ဖုန်းခေါ်သံကြားရင်

ရောက်တဲ့နေရာက စားတဲ့နေရာက အိပ်တဲ့နေရာက အမြန်ပြေးလာပါ ရင်ဆိုင်ရတဲ့ ပြဿနာတွေမှာ

အသက်တစ်ချောင်းထက်မက ပိုနေတတ်လို့ အပေါ်ထပ်ကဆင့်ခေါ်ရင် အပေါ်ကိုပြေးတက်လိုက်

အောက်ထပ်ကဆင့်ခေါ်ရင် အောက်ကိုပြေးဆင်းလိုက် အရုပ်ပြလို့မှမတိတ်ရင် မုန့်ပြလို့မှမတိတ်ရင်

ကလေးအငိုတိတ်အောင် အရိပ်အယောင်ပြမယ်မထင်နဲ့ ဒါပဲ ရမယ်

(ဆေးထိုးအပ်ကြီးကြီးတစ်ချောင်းမြှောက်ပြလျက်)

ကလေးတွေအတွက် ဦးဦးဆရာဝန်က ကြောက်စရာ

သူ့ရာသီရောက်လာပြီဆိုတော့လည်း တစ်ခန်းလုံး ရှောဘရားသားနဲ့ ပန်းသခင်မတွေချည်းပဲ

ကလေးကသေးသေးလေးဆိုတော့ လက်မနှစ်ချောင်း ဒါမှမဟုတ် လက်ညှိုးနဲ့လက်ခလယ်နှစ်ချောင်းပူးပြီး

ရင်ဘတ်ကိုဖိဖိပေးရတယ်

One-and-Two-and-Three-and-Breath…

One-and-Two-and-Three-and-Breath…

လက်အိတ်ဝတ်ရက်တန်းလန်း ကလေးမွေးရက်တန်းလန်း အပ်နဲ့အပ်ချည်တန်းလန်း အောက်ဆီဂျင်တန်းလန်း

သွေးသွင်းပိုက်တန်းလန်း ဆီးချူပိုက်တန်းလန်း အရေးပေါ်လာရင် လုပ်လက်စတွေခဏရပ်

ပြီး လေးညှို့သံနားထောင် ပြီးတော့မှ ညောင်သီးစားသင့်မစားသင့်ဆုံးဖြတ်

ဆေးရုံပေါ်တီကိုအောက်ကို ကားကြီးတစ်စင်း ဝူး…ခနဲ ထိုးရပ်လိုက်တဲ့အသံ

မဟုတ်ပါဘူး သောက်ရေသန့်လာပို့တဲ့ ကားကြီးပါ

ကားနဲ့လာတိုင်းလည်း ရင်တုန်/ရင်ခုန်စရာမလိုပါ လမ်းလျှောက်လာတိုင်းလည်း ပေါ့ပေါ့ပါးပါး

မဟုတ်ပါ မပေါ့မပါး ဟိုးဆရာ လုပ်လက်စတွေခဏရပ် အထဲမှာ နောက်တစ်ယောက်

ကလေးများလို့ဆင်းရဲတာလား ဆင်းရဲလို့ကလေးများတာလား

မျိုးဆက်ပွားဦးမှာလား သားဆက်ခြားတော့မှာလား အသက်လေးဆယ်

သွေးပေါင်ချိန်တိုင်းမရတော့ဘူး ခုတင်ခြေရင်းမြှောက် ဆေးဗူးကြီးတွေညှစ်ချ အကြောမြန်မြန်ရှာ

လူစင်စစ်က ဗန်ပိုင်းယား ဖြစ်နေပြီ ဖြူဖတ်ဖြူရော်

စရိတ်မျှပေးပါ စရိတ်အကုန်မပေးနိုင်ပါ ကိစ္စမရှိဘူးဆရာ

လယ်တွေ နွားတွေ ပေါင်လာတယ်

ခုတင်တွေမလောက်ရင် ကြားခုတင်ခဏထိုး ရှယ်ခန်းထဲလည်း ပြည့်နေပြီ

ဗမာလိုနားမလည်ဘူးလား ပေါ့ကညောလား အော့မေဝီးယား

ရွာမှာမမွေးနိုင်လို့ လှေနဲ့တက်လာတာလား ဆယ့်တစ်ယောက်မြောက်ကလေးကျမှ

(ခက်)နေရသလား ကလေးကတော့ မရတော့ဘူး အမေကိုပဲ

မမွေးခင်ကတည်းက သေနေတဲ့လူကို မွေးစာရင်းထဲထည့်ရမှာလား သေစာရင်းထဲထည့်ရမှာလား

တစ်ညလုံးကလေးမွေးပြီး မနက်အိမ်ပြန်တဲ့အခါ တစ်ကိုယ်လုံးရေမွှာ(ရေမွှေးမဟုတ်)နံ့တွေနဲ့

ညှီ

တစ်ခါတစ်ခါ လူ့အသက်ကယ်ရတာ ဝမ်းသာစရာ

တစ်ခါတစ်ခါ လုပ်ချင်ဦး (Snare သီချင်းထဲကလို)

ကလင်…ကလင်…

ဟယ်လို အရေးပေါ်အစည်းအဝေး ချက်ချင်း

ဟယ်လို လချုပ်အချိန်မီပို့ ချက်ချင်း

ဟယ်လို လူကြီးမင်းလာမည် တန်းမဖြုတ်မချင်း အိမ်မပြန်ရ

ဟယ်လို အပေါ်ထပ်ကလား ကျွန်တော်အောက်ထပ်ကိုခေါ်တာပါ

ဟယ်လို အောက်ထပ်ကလား ကျွန်တော်အပေါ်ထပ်ကိုခေါ်တာပါ

ဟယ်လို ဟယ်လို ဟယ်လို ဟယ်လို လူကြီးမင်းခေါ်ဆိုသော တယ်လီဖုန်းမှာ

လုပ်ချင်ဦး လုပ်ချင်ဦး လုပ်ချင်ဦး

ဟုတ်ကဲ့ အရေးကြီးတာက

ဆေးဆက်သောက်ရန်ရေးဖို့ ဘယ်နေ့ပြန်လာပြန်ရန်ရေးဖို့ ယောက်ျားနှင့်လေးဆယ့်ငါးရက်

ရှောင်ရန်ရေးဖို့ သုံးလတစ်ခါသားခြားဆေးထိုးရန်ရေးဖို့ အမေနို့တစ်မျိုးတည်းခြောက်လအထိတိုက်ရန်

ရေးဖို့ ဗိုက်နာ/ရေဆင်း/သွေးဆင်းလျှင် ချက်ချင်းဆေးရုံတက်ရန်ရေးဖို့ သားကြောဖြတ်လျှောက်လွှာတင်ရန်

ရေးဖို့ အရေးပေါ်ခွဲစိတ်ခန်းဝင်ရန်ရေးဖို့ နောက်ဆုံးအစာစားထားချိန်ရေးဖို့ အစီရင်ခံစာစာအုပ်မှာလက်မှတ်ထိုးဖို့ ဆေးရုံတက်/ဆင်းစာရွက်မှာလက်မှတ်ထိုးဖို့ နှလုံးဆက်မခုန် အသက်ဆက်မရှူတော့ကြောင်းလက်မှတ်ထိုးဖို့ ဘောပင်

မပျောက်စေဖို့

ပြီးရင်တော့

သွေးဂျိုး(ချိုး)တွေကပ်နေတဲ့ လက်နှစ်ဖက်ကို ရေပိုက်ခေါင်းအောက်မှာ ဆပ်ပြာမွှေးနဲ့

အသာအယာပွတ်ခွာဆေးကြောရင်း

လင်းဇင်ယော်

၂၀၁၃၊ ဇန်နဝါရီ။

ဝန်ခံချက် - Snare ၏ “လုပ်ချင်ဦး” စကားလုံးကို ခွင့်ပြုချက်မရဘဲ အသုံးပြုထားပါသည်။