လေးထောင့်တုံးများ

ကျွန်တော့်လက်ကိုင်ဖုန်းထဲမှာ မြန်မာစာလုံးတွေမပေါ်ဘူး မြန်မာစာလုံးတွေအစား လေးထောင့်တုံးတွေပဲပေါ်ပေါ် နေတယ်။ လက်ကိုင်ဖုန်းကတစ်ဆင့် မျက်နှာစာအုပ်ကြီးကိုဖွင့်ကြည့်လိုက်တဲ့အခါတိုင်း လေးထောင့်တုံးတွေပဲ အမြဲမြင်နေရတယ်။ ရှည်မျောမျောလေးထောင့်တုံးတွေ ပုအိုက်အိုက်လေးထောင့်တုံးတွေ ဓာတ်/ရုပ်ပုံတွေအောက်မှာ အမြဲမြင်ရတယ်။ အထူး အဆန်းစားသောက်ဖွယ်ရာ ဒါမှမဟုတ် မထူးမဆန်းစားသောက်ဖွယ်ရာပုံတွေအောက်မှာ မဖွယ်မရာ ဒါမှမဟုတ် ဖွယ်ဖွယ် ရာရာပုံတွေအောက်မှာ သက်ရှိသက်မဲ့ ဒါမှမဟုတ် ဒြပ်ရှိဒြပ်မဲ့ပုံတွေအောက်မှာ တစ်ယောက်တည်း ဒါမှမဟုတ် နှစ်ယောက် တွဲ ဒါမှမဟုတ် အုပ်စုလိုက်ပုံတွေအောက်မှာ တစ်ခါတလေ မီးလောင်ပေါက်ကွဲနေတဲ့ပုံအောက်မှာ။ တစ်ခါတလေ မြင်းစီး တော့မလိုလို ကြိုးကွင်းပစ်တော့မလိုလိုကခုန်နေတဲ့ လူတစ်ယောက်ပုံအောက်မှာ။ တစ်ခါတလေ စာပြားတွေကိုင်ပြီး စီတန်းလှည့်လည်နေတဲ့ပုံအောက်မှာ။ တစ်ခါတလေ ရေကူးဝတ်စုံနဲ့ ရေစိုပြီးလက်ထနေတဲ့နာမည်ကြီး ကိုယ်ဟန်ပြမယ် တစ်ယောက်ရဲ့ပုံအောက်မှာ။ တစ်ခါတလေ ထိပ်ပြောင်နေတဲ့လူကြီးတစ်ယောက်ရဲ့ပုံအောက်မှာ။ တစ်ခါတလေ လက်ပြ နှုတ်ဆက်နေတဲ့ အမျိုးသမီးတစ်ယောက်ရဲ့ပုံအောက်မှာ။ တစ်ခါတလေ ကျွန်တော့်ကိုယ်ပိုင်ပုံအောက်မှာ။ တစ်ခါတလေ လေးထောင့်တုံးတစ်ပြုံတစ်မကြီးက ကျွန်တော့်ကို တစ်နေကုန်ထိုင်းမှိုင်းသွားစေနိုင်ပေမယ့် တစ်ခါတလေ လေးထောင့်တုံး တစ်တုံးတည်းကပဲ ကျွန်တော့်ကိုတစ်နေကုန်ပျော်ရွှင်သွားစေနိုင်တယ်။ အဲဒီလေးထောင့်တုံးတွေကြောင့်ပဲ နံရံကပ်ကဗျာ တွေကို ချက်ချင်းဖတ်လို့မရဘူး။ အဲဒီလေးထောင့်တုံးတွေကြောင့်ပဲ တစ်ယောက်ယောက်စကားလာပြောနေတာကို ချက်ချင်းပြန်ပြောလို့ မရဘူး။ အဲဒီလေးထောင့်တုံးတွေကြောင့်ပဲ အရေးကြီးတဲ့စာတိုတွေကို ချက်ချင်းမသိရဘူး။   အဲဒီ လေးထောင့်တုံးတွေကြောင့်ပဲ မိတ်ဆွေလာဖွဲ့သူတွေကို ချက်ချင်းလက်မခံနိုင်ဘူး။ အဲဒီလေးထောင့်တုံးတွေကြောင့်ပဲ ပိတ်ဆို့အရေးယူမှုတွေ ချက်ချင်းလုပ်လို့မရဘူး။ အဲဒီလေးထောင့်တုံးတွေကြောင့်ပဲ ကြိုက်တယ်မကြိုက်ဘူး ချက်ချင်း ဆုံးဖြတ်လို့မရဘူး။ သမ္မတကြီးရဲ့မိန့်ခွန်းလည်း လေးထောင့်တုံးတွေဖြစ်နေတာပဲ။ နိုင်ငံကျော်အဆိုတော်ရဲ့နာရေးလည်း လေးထောင့်တုံးတွေဖြစ်နေတာပဲ။ နိုင်ငံရေးလည်းလေးထောင့်တုံး။ စီးပွားရေးလည်းလေးထောင့်တုံး။ လူမှုရေးလည်း လေးထောင့်တုံး။ လူမျိုးရေး၊ ဘာသာရေးလည်းလေးထောင့်တုံး။ ကျန်းမာရေး၊ ပညာရေးလည်း လေးထောင့်တုံး။ စာပေ၊ အနုပညာလည်း လေးထောင့်တုံး။ ငြိမ်းချမ်းရေးလည်း လေးထောင့်တုံး။ လေးထောင့်တုံးတွေဟာ ရယ်စရာလား။ ငိုစရာ လား။ လောဘလား။ ဒေါသလား။ တွေဝေနေလား။ ပြတ်သားနေလား။ မောက်မာနေလား။ နှိမ့်ချနေလား။ အထီးကျန် နေတာလား။ သီးသန့်ဆန်ချင်တာလား။ အဲဒီလေးထောင့်တုံးတွေအစား မြန်မာစာလုံးတွေပေါ်လာအောင် ကျွန်တော် ကြိုးစားကြည့်တယ်။ အဝိုင်းတွေပေါ်လာတယ်။ ကြက်ခြေခတ်တွေပေါ်လာတယ်။ အမေးလက္ခဏာတွေပေါ်လာတယ်။ အဲဒါနဲ့ပဲ လေးထောင့်တုံးတွေပြန်ပေါ်လာအောင်လုပ်လိုက်တယ်။ လေးထောင့်တုံးတွေ လုံးဝပျောက်သွားတယ်။

၂၀၁၂၊ ဒီဇင်ဘာ။