ခေါင်းနီ

အုတ်နံရံပေါ်ကို လက်နဲ့အသာ ကုတ်ပွတ်လိုက်တာနဲ့ တစ်ဆုပ်တစ်ခဲပါလာတဲ့ ရေညှိ

အထွေးလိုက်ကြားမှာ လည်တဆန့်ဆန့် ပြိုင်တူယိမ်းနေကြတဲ့ ငန်းရိုင်းတွေလို

အပင်ငေါက်တောက်လေးများကို တစ်ယောက်တစ်ပင်ကိုင်ကြပြီး လည်ချင်းချိတ်၊ မျက်စိမှိတ်၊

တစ်၊ နှစ်၊ သုံး ပြိုင်တူအော်ပြီး-ဆွဲ၊ ပြီး၊ မျက်လုံးပြန်ဖွင့်ကြည့်၊

ခေါင်းပြတ်ပြီး လက်ထဲမှာအမြီးပဲကျန်ရစ်ခဲ့တဲ့ကောင်-ရှုံး၊ တချို့ခေါင်းတွေက စိမ်းစိုစို၊ အဆံ

ကြီးကြီးနဲ့ ခန့်ညားပေမယ့် တကယ်တန်းယှဉ်ဖြတ်ရင် ခွက်ခွက်လန်အောင်ရှုံး၊ တချို့ခေါင်းထိပ်မှာ

နှုတ်သီးလိုလို၊ အမောက်လိုလို၊ ထိပ်ဖူးနီရဲရဲလေးနဲ့ ကြည့်လို့လှပေမယ့် ဒီကောင်တွေလည်း စိတ်မချရ၊

နိုင်တစ်လှည့်၊ ရှုံးတစ်လှည့်၊ ခေါင်းမဖြစ် တန်းမဝင်သေးတဲ့ အနုအရွများကတော့ ဘယ်လိုချိတ်ချိတ် မမိ၊ နီညိုညိုမည်းပိန်ပိန် ရှုံ့တွခြောက်သယောင်းနေတဲ့ အဆံသေးသေး ပိန်တာရိုးခေါင်းမျိုးကမှ ပွဲတိုင်းကျော်၊ ခေါင်းဖြတ်ဗိုလ်၊ ခေါင်းနီဆိုရင် ကျန်တဲ့ကောင်တွေ မျက်စောင်းမထိုးရဲ၊ ခေါင်းနီကိုယှဉ်ဖြတ်နိုင်တာ

ခေါင်းနီပဲ၊ ခေါင်းနီထက်ရင့်တာ-ခေါင်းမဲ၊ အရင့်လွန်လွန်းလို့ ပွဲမစခင်ကတည်းက ဇက်ကျိုးပြီးသား၊

အားလုံးထဲ-ခေါင်းနီကဗိုလ်၊ ခေါင်းနီးအချင်းချင်းတွေ့ရင်တော့ လက်သာတဲ့ကောင်-အနိုင်၊ ခေါင်းနီ

အချင်းချင်း ယှဉ်ဖြတ်ကြပြီဆိုရင် လျှာပေါ်တင်၊ တံတွေးနဲ့ အမြှုပ်တစီစီထအောင်ဆွတ်ပြီး မန်းကြ မှုတ်ကြ

ဆွဲကြ ဖြတ်ကြ၊ နိုင်တဲ့ကောင် အာကျယ်၊ ရှုံးတဲ့ကောင် မျက်စောင်းခဲ၊ တောက်ခေါက်၊ မကျေနပ်ရင်

နိုင်တဲ့ခေါင်းနီကို လက်နဲ့ ဖြတ်ခနဲ ဆွဲဖြုတ်၊ လက်မနဲ့လက်ညှိုးကြား စိစိညက်ညက် ဖိပွတ်ကြိတ်ချေ၊

တိုင်းထွာ၊ ဆဲရေး၊ ဆွဲထိုး၊ ရုံးခန်းရောက်၊ ဝါးခြမ်းပြား၊ မကျေနပ်သေးရင် မကြေပွဲထပ်နွှဲ၊ ကျောင်းတက်

ခေါင်းလောင်းမထိုးသေးခင်စပ်ကြား၊ ကမ္ဘာမကြေ မဆိုရခင်စပ်ကြား၊ မင်္ဂလာပါဆရာမ နှုတ်မဆက်ရသေးတဲ့

အခါမျိုး၊ ကျေးဇူးတင်ပါတယ်ဆရာမ နှုတ်ဆက်ပြီးသွားတဲ့အခါမျိုး၊ သုံးမိနစ်ပဲရရ၊ ငါးမိနစ်ပဲရရ၊ ရသမျှအချိန်အတွင်း စာသင်ခုံတန်းပေါ် မျက်နှာချင်းဆိုင်ခွထိုင်၊ မျက်လုံးချင်းစိုက်ကြည့်၊ ပြီးတော့ ရှူရှူးသွားချင်ယောင်ဆောင်ပြီး အိမ်သာအုတ်နံရံကြားက ဆွဲနှုတ်လာတဲ့၊ စာသင်ခုံအံထဲ၊

လွယ်အိတ်ထောင့်ထဲ၊ စာအုပ်ကြားထဲ ဆရာမ မသိအောင်ဖွက်ထားတဲ့၊ ထိုးထိုးထောင်ထောင် ခေါင်းနီပေါင်းများစွာထဲက အကောင်းဆုံးလို့ထင်ရတဲ့ ခေါင်းနီတစ်ကောင်ရွေးထုတ်၊ အင်္ကျီလက်မောင်းပင့်တင်၊ ပြိုင်ဘက်ခေါင်းနီနဲ့ ခေါင်းချင်းချိတ်၊ လည်ချင်းချိတ်၊ ဒိုင်လုပ်တဲ့ကောင်က တစ်၊ နှစ်၊ သုံး၊ ဆွဲဆိုတာနဲ့ မျက်စိစုံမှိတ်၊ ခေါင်းနီရဲ့အမြီးကိုကိုင်ထားတဲ့ လက်မနဲ့လက်ညှိုးထိပ်ဖျားဆီ အတွင်းအားများ စုစည်းပို့ဆောင်ပြီးသကာလ လက်ပစ်ဗုံးတစ်လုံးရဲ့စံနက်တံကို ဆွဲဖြုတ်ပစ်ကြဲလိုက်သလို အံကြိတ်ပြီး

အသားကုန်ဆောင့်-ဆွဲ။

လင်းဇင်ယော်

ကဗျာလောက - စုစည်းမှု (၅)၊ ၂၀၁၄၊ မတ်။

ကျွန်းပေါ်မှာ

ကျွန်းပေါ်မှာ ဆောင်းခိုလေ့မရှိ/ ကျွန်းပေါ်မှာ လမ်းရှိ ယာဉ်မရှိ/ ကျွန်းပေါ်မှာ ဓမ္မာရုံရှိ တရားဟောမယ့်သူ

မရှိ/ ကျွန်းပေါ်မှာ မူကြို-ဂေါက်ကွင်း(ဟုခေါ်သည်)-ဘုံဆိုင်-စာကြည့်တိုက်-မင်္ဂလာခန်းမ ရှိ/ ကျွန်းပေါ်မှာ စိုက်ပျိုး

ရေး၊ မွေးမြူရေးရှိ/

ကျွန်းပေါ်မှာ Hajimemashite! Beeru suki?/ ကျွန်းပေါ်မှာ နိမ်း-နာမည်-နာမာ့အဲ/ ကျွန်းပေါ်မှာ သူကတော့

တစ်ကျွန်းလုံးရဲ့အချစ်-ချစ်-ချစ်-ချစ်-တုံး/ ကျွန်းပေါ်မှာ ခင်ဗျားဘယ်သူလဲ ရုံးခန်းထဲဘာလာလုပ်တာလဲ/ ကျွန်းပေါ်

မှာ ဆာ့ကဲမရှိတော့ အာမီနဲ့စိန်မျှားပဲ တစ်မုန်းဆွဲ/ ကျွန်းပေါ်မှာ မုတ်ကောင်တွေ အလိုမတူဘဲ မဟားဒယားပြုကျင့်

ခံရ/ ကျွန်းပေါ်မှာ သူတို့လာရင် အရက်နဲ့သံပခြုပ်ကြိုပြီးရှာထားရ/ ကျွန်းပေါ်မှာ စနေ တနင်္ဂနွေတိုင်း ဒို့နဂါးနီ/ ကျွန်း

ပေါ်မှာ အချိန်မှန်မှန်ဥသြသံတရွှီးရွှီး/ ကျွန်းပေါ်မှာ ဧရာဝတီမလိုချင်ဘူး အက်ဖ်အီးစီပဲလိုချင်တယ်/ ကျွန်းပေါ်မှာ

ခဏခဏပေါင်ချိန်/

ကျွန်းပေါ်မှာ ချိုမာအေးရေ ဖုန်းလိုင်းပြန်ရပြီလား/ ကျွန်းပေါ်မှာ ဆာရှိမိ-မတ်ပဲကြော်-ကျားလက်သည်း စားဖူးလား/

ကျွန်းပေါ်မှာ ခင်ရာဆွေမျိုး မြိန်ရာဟင်းကောင်း=ဟင်းကောင်းမြိန်ရာ ဆွေမျိုးခင်ရာ/ ကျွန်းပေါ်မှာ ဘလက်ပါးရ်

မထွက်/ ကျွန်းပေါ်မှာ UCG (+)/ ကျွန်းပေါ်မှာ အချိန်မှန်မှန်ခြင်ဆေးတဝူးဝူး/ ကျွန်းပေါ်မှာ ရေသူမ မလိုချင်ဘူး

ကလကုတ်ပဲလိုချင်တယ်/ ကျွန်းပေါ်မှာ ခဏခဏဟစ်(စ်)ထ/

ကျွန်းပေါ်မှာ အစိမ်းတွေ အထပ်လိုက်ခြကိုက်ခံရ/ ကျွန်းပေါ်မှာ အသားမှန်သမျှသုညဒီဂရီအောက်အေးခဲခံရ/ ကျွန်း ပေါ်မှာ (ပြဿနာမပေါ်ရင်) တစ်လသုံးကြိမ် မြို့ပြနဲ့အဆက်အဆံရှိ/ ကျွန်းပေါ်မှာ (ပြဿနာမပေါ်ရင်) သုံးလ

တစ်ကြိမ် ကျန်းမာရေးအပြောင်းအလဲရှိ/ ကျွန်းပေါ်မှာ အပြင်မထွက်နဲ့ တောခွေးကိုက်လိမ့်မယ်(ဆိုပြီး ကလေးတွေ

ကိုခြောက်လှန့်)/ ကျွန်းပေါ်မှာ (မြို့ပေါ်မှာထက်စာရင်) ကွန်နက်ရှင်ကောင်း/ ကျွန်းပေါ်မှာ ပျင်းပျင်းရှိတိုင်း ခွချက်/

ကျွန်းပေါ်မှာ အချိန်မှန်မှန်မီးစက်သံတဂျုံးဂျုံး/ ကျွန်းပေါ်မှာ skynet မလိုချင်ဘူး ချန်ပီယံလိဂ်ပဲ လိုချင်တယ်/ ကျွန်း

ပေါ်မှာ ခဏခဏဆေးခွင့်ယူ/

ကျွန်းပေါ်မှာ One Island, Two Kitchens/ ကျွန်းပေါ်မှာ အိမ်ကိုမင်းလွမ်းနေသားနဲ့တေပေပြီး/ ကျွန်းပေါ်မှာ အခန်း

တံခါးသော့ခတ်ထားဖို့လို/ ကျွန်းပေါ်မှာ အခွင့်မရှိ ဓါတ်ပုံမရိုက်ရ/ ကျွန်းပေါ်မှာ lost in translation/ ကျွန်းပေါ်မှာ

မမှည့်ခင်အခြွေခံရတဲ့ သရက်သီး/ ကျွန်းပေါ်မှာ အချိန်လွန်မှပွင့်တဲ့ ပိတောက်ပန်း/ ကျွန်းပေါ်မှာ ခရီးသွားနေသည်

အဖွဲ့တစ်ဖွဲ့ ညအိပ်ခဲ့ဖူး/ ကျွန်းပေါ်မှာ အရိုးအက်ကွဲ အရွတ်စုတ်ပြဲ/ ကျွန်းပေါ်မှာ မနက်ဆိုတရားခွေ ညဆိုတခြားခွေ

တွေနဲ့ အချိန်မှန်မှန်/ ကျွန်းပေါ်မှာ ညအချိန်မတော် တံခါးခေါက်သံဟာ ထိတ်လန့်စရာ/ ကျွန်းပေါ်မှာ

Domo Arigatogozaimasu!/ ကျွန်းပေါ်မှာ ဆားနံ့မစင်သေးတဲ့ကျောက်ခက်တွေကို သဲမြှုပ်ရ ရေပန်းထိုးရ/

ကျွန်းပေါ်မှာ သံသေတ္တာတစ်လုံး ကံစမ်းမဲပေါက်/ ကျွန်းပေါ်မှာ Dettol နဲ့ ကြမ်းတိုက်/ ကျွန်းပေါ်မှာ အဝတ်လျှော်

စက်ပျက်နေလို့ ရှီးဖော်ရေ လာကြည့်ပေးပါဦး/ ကျွန်းပေါ်မှာ ထိုင်ခုံလာတောင်းရင်ပေးလိုက်ပါ/ ကျွန်းပေါ်မှာ အပြင်

လူမလာရ/ ကျွန်းပေါ်မှာ ဟိုးအဝေးကမြို့ငယ်လေး ကိုယ့်ဘဝရဲ့ နှလုံးသားတစ်ခုပဲ/ ကျွန်းပေါ်မှာ မျောက်မလေး

နာမည်က မိုးဟေကို/

ကျွန်းပေါ်မှာ UNBELIEVABLE!!!!/ ကျွန်းပေါ်မှာ တစ်ယောက်တည်း တစ်ညလုံးအိပ်မပျော်/ ကျွန်းပေါ်မှာ

မုတ်ကောင်(အရိုး/အသား/အမြုတေ)တွေ တောင်ပုံရာပုံ-ရာပုံထောင်ပုံသောင်းပုံ/ ကျွန်းပေါ်မှာ လုံးဝအသုံးမပြုရ

သေးတဲ့ ရဟတ်ယာဉ်ကွင်း(ဟောင်း/ပျက်)တစ်ခု/ ကျွန်းပေါ်မှာ ရေချိုရနိုင်တဲ့ တောင်ကျစမ်းကလေး/ ကျွန်းပေါ်မှာ

မြွေဖမ်းကောင်းတဲ့ ကိုမိုးမခ/ ကျွန်းပေါ်မှာ တောမီးအကြီးအကျယ်လောင်ခဲ့ဖူး/ ကျွန်းပေါ်မှာ ဆရာဝန်တစ်ယောက်
အီလက်ထရောနစ်သမားနှစ်ယောက်နဲ့ ချုပ်ရိုးတွေမွစာကြဲနေတဲ့ နားရွက်ပြတ်တစ်ဖက်/ ကျွန်းပေါ်မှာ အဝင် ၅၀-

အထွက် ၇၅/ ကျွန်းပေါ်မှာ ဂျီ-ဆိုမရ စီ-ဆို တိုင်ရှည်ရှည်ထောင်/ ကျွန်းပေါ်မှာ ညနေတိုင်းဘဲစာရှာ/ ကျွန်းပေါ်မှာ

ခရီးစဉ်ရှိရင် ခြုံတွေရှင်း/ ကျွန်းပေါ်မှာ လှိုင်းလူးလူး လှေလူးလူး/

ကျွန်းပေါ်မှာ ရိုဘော့တွေလိုတန်းစီ/

ကျွန်းပေါ်မှာ ရိုဘော့တွေလိုတန်းဖြုတ်/

လင်းဇင်ယော်

ချင်းတွင်း - မတ်၊ ၂၀၁၄။

ZOMBIE

ဂေးအချင်းချင်း ဂေးမှန်းသိသလို

လက်စဘီယန်အချင်းချင်း လက်စဘီယန်မှန်းသိသလို

ဇွန်ဘီအချင်းချင်း

ဘယ်တော့မှ ပြန်မကိုက်ဘူး။

2013

မုန့်လုံးရေပေါ်လ

ဟင်းပွဲ (၀) - ကိုကာကိုလာ၊ ဟိုက်ကော်မရှင်နာ၊ စားရေခဲ

ရောစပ်တာမကောင်း။ အထိနာ။ ရောစပ်မှကောင်းတယ်။ အဝင်ချော။

ရောချင်ရော။ မစပ်ချင်နေ။ သောက်သုံးသူများလည်း လွတ်လပ်စွာသောက်သုံးနိုင်သလို

မသောက်သုံးသူများလည်း လွတ်လပ်စွာသောက်သုံးနိုင်ပါသည်။ အဖွင့်။

ဟင်းပွဲ (၁) - သုံးထပ်သားကင်

ကျွန်တော်တို့မျိုးနွယ်စုဘုံအဖွဲ့ရဲ့ မုန့်လုံးရေပေါ်လ မိတ်ဆုံစားပွဲစတင်ကျင်းပပါတော့မယ်။

အားလုံးပဲ စားရင်းသောက်ရင်း ကျေးဇူးပြုပြီး နားထောင်ပေးကြပါ။ သုံးထပ်သားကင်က အဆီတွေချည်းပဲ။

ဒါပဲ လွယ်တာကိုး။ စား စား။ မင်းတို့လူငယ်တွေ ငယ်တုန်းစားထားကြ။ ငါတို့လည်း ငယ်တုန်းက စားထားကြပြီးပြီ။ အသက်ကြီးမှစားရင် အစာမကြေချင်ဘူး။ ဆရာဝန်ကတော့ ပြောထားတယ်။ စားချင်တာ အားလုံးစားတဲ့။ ကိုယ်ဖြစ်ကိုယ်ခံတဲ့။ စားသာစား။ လက်မနှေးနဲ့။

ဟင်းပွဲ (၂) - ကဏန်းပေါင်း

ပုလင်းပေးစမ်း။ မစားခင် တစ်ဖုံးစာလောက် အရင်ထည့်မွှေ။ ဟင့်အင်း။ မကြိုက်တဲ့သူတွေရှိတယ်။

ဒါထည့်မှ ကောင်းတာ။ အကြောအချင်ပြေ။ ရင်ချောင်။ ခံတွင်းရှင်း။ စားဝင်။ နည်းနည်းပါးပါး။ ဒါမျိုး

ဒီအတိုင်းလုပ်ဖို့ မသင့်။ ကော်မရှင်ဖွဲ့။ ဒါဆို မင်းဥက္ကဌလုပ်။ ကျွန်တော်က အသက်ငယ်သေးတယ်။ ဖြစ်ပါ့မလား။

ဖြစ်တာပေါ့။ ငါထောက်ခံတယ်။ ကဲပါ။ မင်း ဒုဥက္ကဌပဲလုပ်။ ငါ ဥက္ကဌလုပ်မယ်။ ဟင့်အင်း။ ဒီအတိုင်းပဲစားမယ်။

ကဲ ကဲ။ မရောချင်တဲ့သူတွေ ပန်းကန်ပေး။ အရင်ထည့်ပေးမယ်။ ခင်ဗျားရောမှာလား။ ရတာပေါ့။ ခင်ဗျားရော။

ဟင့်အင်း။ မင်းရော။ ရောမလား။ ရောမယ်။

ဟင်းပွဲ (၃) - ကြက်ကောက်ညှင်း

ငါတို့ ဒီဘက်ဝိုင်းထိုင်တာ မှန်သွားပြီ။ ဟိုဘက်ဝိုင်းမှာ မုန်တိုင်းထန်နေပြီ။ တက်ကြွသူများအသင်းက

လုပ်ပစေပေါ့ကွာ။ ငါတို့ တာဝန်လာပေးတော့လည်း လုပ်ပေးလိုက်ပေါ့ကွာ။ စား စား။ မြန်မြန်စား။ မြန်မြန်ကုန်။

မြန်မြန်ပြီး။ မြန်မြန်ပြန်။ ဖဲ့မနေနဲ့။ တစ်တုံးလုံးသာ ယူလိုက်။ ဒီစကားတွေ ဒီနေရာမှာ မပြောသင့်ဘူး။ ကောက်ညှင်းက ဝမ်းချုပ်တယ်။ ရင်ပြည့်တယ်။ မင်းတို့လူငယ်တွေပဲစားကြ။ မင်းမျက်နှာကြီး ရဲတက်လာလိုက်တာ။

တိုက်ကြက်ဖကြီးလိုပဲ။ အဲဒါ သောက်သက်နုသေးလို့ကွ။ ဆားဗစ်ရင့်သွားရင် ဘယ်လိုသောက်သောက်

အရောင်မပြောင်းဘူး။ မင်း ဘာသွေးလဲ။ အေ။ ငါက အို။ မျက်နှာနီတာ သွေးအုပ်စုနဲ့ ဆိုင်လို့လား။

ဆားဗစ်နဲ့ရော ဆိုင်လို့လား။ နီချင်တဲ့သူ နီတာပဲ။ ရဲရဲနီ။ ရှဲရှဲနီ။

ရွေးချယ်လို့မရ။ ငြင်းပယ်လို့မရ။

ဟင်းပွဲ (၄) - ပုစွန်ချိုချဉ်

ဒါဘာကြီးလဲ။ မေးမနေနဲ့။ စားပစ်။ အကုန်စားလို့ရတယ်။ အား! ပူသေးတယ်ကွ။

ခွက်ထဲနည်းနည်းထပ်ထည့်လိုက်ဦး။ ဒီတစ်ခါ အချိုရည်မရောနဲ့။ ရိုးရိုးရေရော။ အား! ပြင်းတယ်။

ရေခဲထပ်ထည့်ပေး။ ဒါပဲကွ။ ဘယ်အရာမှ လွယ်လွယ်မတတ်ဘူး။ သင်စရာမလိုဘဲ လွယ်လွယ်တတ်တာဆိုလို့

တစ်ခုပဲရှိတယ်။ မင်းသိလား။ ကျွန်တော်တို့ဘုံမှာ မတတ်နိုင်တဲ့သူတွေအတွက် သေရင်ထောက်ပံ့ပေးဖို့ ရိုးရာအခေါင်းတလားတွေ ငါးလုံးလောက်ဆောင်ထားသင့်တယ်။ စီးပွားရေးအသွင်မဆောင်စေရ။ အခေါင်းလုပ်ရင်

ဈေးမဆစ်ကောင်းဘူးဆိုတာသိတော့ အခေါင်းရောင်းသမားတွေက စိတ်ကြိုက်လုပ်စားနေကြ။

အခေါင်းဖိုးဘယ်လောက်။ ဂူဖိုးဘယ်လောက်။ မေးရင် မဖြေဘူး။ တချို့ အခေါင်းဖိုးမတတ်နိုင်လို့ အပေါစားအခေါင်းနဲ့ပဲ ဖြစ်သလိုပြီးလိုက်ရ။ ကောင်လေး ဒီပန်းကန်လာသိမ်းတော့။ ဒါတွေ

ဘယ်သူမှမစားတော့ဘူး။

ဟင်းပွဲ (၅) - ထမင်းကြော်

အစာပိတ်ပွဲက မြန်လှချည်လား။ ပြီးပြီလားဟ။ ဒါနောက်ဆုံးမှ ချတာမဟုတ်ဘူးလား။ ကဲ ကဲ။

ရှိတာသာ အကုန်ချတော့။ ဟင်းပွဲ (၆) - ဝက်သားတို့ဟူးကြော်။ ဟင်းပွဲ (၇) - ငါးလုံးဟင်းချို။

မုန်းစရာကောင်းလိုက်တဲ့ ငါးလုံး။ မကြိုက်ဘူး။ လုံးဝ။ ငယ်ကတည်းကပဲ။ ဟုတ်လား။ ဒါဆို ငါပဲ

အနစ်နာခံပြီး ပိုစားပေးလိုက်မယ်။ ငါးလုံးက ငါနဲ့တည့်တယ်။ ထမင်းကြော်ထည့်စားဦးလေ။ အေးပါ။ နည်းနည်းချင်းစီစားမှာပေါ့။ ကိုယ်စားရင် ကိုယ်ပဲခံရမှာ။ ဒါဘာလဲ။ တို့ဟူးလား။ ပြာမုန့်လား။ မေးမနေနဲ့။ မြန်မြန်စား။ အားလုံး စားလို့ရတယ်။ အားလုံး စားလို့ရတယ်။ အဘိုးကြီးတွေ စားနိုင်တုန်းပဲ။

လူငယ်တွေ လိုက်မမီသေးဘူး။

ဟင်းပွဲ (၈) - အချိုပွဲ

ပန်းကန်ထဲမှာ အသားကြော်တစ်တုံးကျန်သေးတယ်။

မင်း စားလိုက်။ ဟင့်အင်း။ ကျွန်တော် အချိုပွဲစားပြီးသွားပြီ။

၂၀၁၃၊ ဒီဇင်ဘာ။