တိမ်တွေပေါ်တက်မနင်းရ

မြေဖြူခဲနဲ့ဆွဲနေတော့ ကုလားမစည်းနင်းမယ်ထင်နေတာ

အလယ်ကပန်းရောင် ပုရွက်ဆိတ်လား ယုန်လား

အနီရောင်မခြယ်ဘူးလား အနီရောင်ကလှတယ် အနီရောင်သုံးပါလား

အနီရောင်စိုစို

ဝက်ဝံကြီး ပျားရည်လျက်နေတဲ့ပုံဆွဲပါလား ဟန်နီ

ဘယ်သူကျားမြီးဆွဲထားသလဲ

ကျားကြီးဘေးမှာ လွတ်နေတယ် မြည်းကလေးဖြစ်ဖြစ် ဘောလုံးဖြစ်ဖြစ်

ကျားကြီးကိုယ်ပေါ်က အစင်းတွေနောက်ဆုံးမှကျားမှာ

ကောင်းကင်ကြီးလည်းပြာဦးမှာ တိမ်တိုက်တွေလည်းပါဦးမှာ

အစိမ်းရောင်ကုန်သွားပြီ အစိမ်းရောင်ထပ်စပ်ပေးပါဦး

ဆင်ကြီးခေါင်းပေါ်က ဖဲပြားမဟုတ်ဘူး ဦးစွန်းဖုတ်

နဖူးကချွေး ဆေးပုံးထဲစေးပျစ်

နာနာမွှေ ဒါမှအရောင်တက်လာမှာ

သားပိုက်ကောင်က အမြီးနဲ့ခန္ဓာကိုယ် တစ်ရောင်တည်းခြယ်ရမှာလား

အားလုံးထဲ ဆင်ကြီးအလှဆုံး

မြေဖြူအတိုအစတွေ လွှင့်ပစ်လိုက်တော့

ကိုယ့်သစ်ရွက် ကိုယ်ပြန်မနင်းရက်

ဆေးပုံးအောက်ခြေ၌ အဝါရောင်များ အနည်ထိုင်

၂၀၁၃၊ မတ်။

ဆေးရုံကြောရုံ - ၂

ဆေးရုံမှာ ဂျူတီကုတ်ဝတ်တဲ့ဆရာဝန်ရှိတယ်၊ ဂျူတီကုတ်မဝတ်တဲ့ဆရာဝန်ရှိတယ်။ ဆေးရုံမှာ

ဓားကိုင်တဲ့ဆရာဝန်ရှိတယ်။ ဓားမကိုင်တဲ့ဆရာဝန်ရှိတယ်။ ဆေးရုံမှာ ခြေသည်းခွံခွာတဲ့ဆရာဝန်ရှိတယ်။

သွားနှုတ်တဲ့ဆရာဝန်ရှိတယ်။ ဆေးရုံမှာ ထမီခရမ်းဝတ်တဲ့ သန့်ရှင်းရေး ဝန်ထမ်းရှိတယ်။ ထမီအနီဝတ်တဲ့သူနာပြုရှိတယ်။ ထမီအပြာဝတ်တဲ့သူနာပြုရှိတယ်။ ထမီအစိမ်းဝတ်တဲ့ သူနာပြုရှိတယ်။ ထမီအပြာနုဝတ်တဲ့သူနာပြုအုပ်ရှိတယ်။ ဆေးရုံမှာ တံမြက်စည်းလှည်းတဲ့ဝန်ထမ်းရှိတယ်။ ရင်ခွဲတဲ့ဝန်ထမ်းရှိတယ်။ ဆေးရုံမှာ လက်နှိပ်စက်ရိုက်တဲ့စာရေးရှိတယ်။ ကော်ဖီဖျော်တဲ့စာရေးရှိတယ်။ ဆေးရုံမှာ ခြေထောက်နှစ်ဖက်ပါတဲ့ ဝန်ထမ်းရှိတယ်။ ခြေထောက်နှစ်ဖက်မပါတဲ့ဝန်ထမ်းရှိတယ်။ ဆေးရုံမှာ ကချင်လူမျိုးဝန်ထမ်းရှိတယ်။ ချင်းလူမျိုးဝန်ထမ်းရှိတယ်။ မွန်လူမျိုးဝန်ထမ်းရှိတယ်။ ကရင်လူမျိုးဝန်ထမ်းရှိတယ်။ ဆေးရုံမှာ စကားဝဲတဲ့လူတွေရှိတယ်။ စကားဝဲတာကို နားလည်တဲ့လူတွေရှိတယ်။

ဆေးရုံမှာ ဒေါင်းရုပ်အသင်းရဲ့သွေးလှူရှင်ဖုန်းနံပါတ်တွေရှိတယ်။ ခြင်္သေ့ရုပ်အသင်းရဲ့ သွေးလှူရှင်ဖုန်းနံပါတ်တွေရှိတယ်။ ဆေးရုံမှာ ရဲစခန်းဖုန်းနံပါတ်ရှိတယ်။ နာရေးကူညီမှုအသင်းဖုန်းနံပါတ်

ရှိတယ်။ ဆေးရုံမှာ ဆင်းရဲနွမ်းပါးလူနာတွေအတွက် ဆေးပဒေသာပင်ရှိတယ်။ အစ္စလာမ်အသင်းရှိတယ်။ ဦကြည်ဝင်းရှိတယ်။ GAVI ရှိတယ်။ CMSDရှိတယ်။ သိန်းငါးရာရှိတယ်။ ဆေးရုံမှာ အောက်စီဂျင်အခမဲ့ရှူလို့ရတယ်။

ဆေးလိပ်သောက်ရင်ဒဏ်ငွေဆောင်ရတယ်။ ဆေးရုံမှာ ဝါဆိုသင်္ကန်းကပ်တယ်။ ခရစ္စမတ်လုပ်တယ်။

ဟက်ပီးနယူးရီးယားအော်တယ်။

ဆေးရုံမှာ လမ်းပေါ်ကစိတ်ဖောက်နေသူတွေအတွက်လည်း ခုတင်ရှိတယ်။ လမ်းပေါ်က အလှူခံတွေအတွက်လည်း ခုတင်ရှိတယ်။ ဆေးရုံမှာ သင်္ကန်းဝတ်တဲ့လူနာအတွက်လည်း ခုတင်ရှိတယ်။ မုတ်ဆိတ်ထားတဲ့

လူနာအတွက်လည်း ခုတင်ရှိတယ်။ ဆေးရုံမှာ သေနတ်ခါးချိတ်ထားတဲ့လူနာတွေအတွက်လည်း ခုတင်ရှိတယ်။

လက်ထိပ်ခတ်ထားတဲ့လူနာတွေအတွက်လည်း ခုတင်ရှိတယ်။ ဆေးရုံမှာ ကိုယ်ပိုင်ကားစီးတဲ့လူနာအတွက်လည်း ခုတင်ရှိတယ်။ ကိုယ်ပိုင်ဖိနပ်မစီးတဲ့လူနာအတွက်လည်း ခုတင်ရှိတယ်။ ဆေးရုံမှာ အသားမည်းတဲ့

လူနာအတွက်လည်း ခုတင်ရှိတယ်။ တက်တူးထိုးထားတဲ့လူနာအတွက်လည်း ခုတင်ရှိတယ်။

ဆေးရုံမှာ ရောဂါပိုးရှိတဲ့လူနာအတွက်လည်း ခုတင်ရှိတယ်။ ရောဂါပိုးမရှိတဲ့လူနာအတွက်လည်း

ခုတင်ရှိတယ်။

ဆေးရုံမှာ ယောက်ျားလည်းသေတယ်။ မိန်းမလည်းသေတယ်။ မမွေးသေးတဲ့ကလေးလည်းသေတယ်။

မွေးပြီးတဲ့ကလေးလည်းသေတယ်။ အဘိုးကြီးလည်းသေတယ်။ အဘွားကြီးလည်းသေတယ်။ ကိုယ်ဝန်ဆောင် လည်းသေတယ်။ ကိုယ်ဝန်မဆောင်လည်းသေတယ်။ ပီအိတ်ခ်ျဒီလည်းသေတယ်။ ဘုန်းကြီးကျောင်းထွက်လည်း သေတယ်။ သွားတိုက်တဲ့သူလည်းသေတယ်။ သွားမတိုက်တဲ့သူလည်းသေတယ်။ ဗမာစကားနားလည်တဲ့သူလည်း သေတယ်။ ဗမာစကားနားမလည်တဲ့သူလည်း သေတယ်။ စစ်သားလည်းသေတယ်။ အရပ်သားလည်းသေတယ်။ ပရိနိဗ္ဗာန်လည်းစံတော်မူတယ်။ ခရစ်တော်၌လည်းအိပ်ပျော်တယ်။ အလ္လာရှင်မြတ်ရဲ့အမိန့်တော်လည်းခံယူတယ်။

၂၀၁၃၊ မတ်။

ဆေးရုံဟာတောင်ကုန်းပေါ်မှာ လည်ဆံတဖွားဖွားနဲ့ဆောင့်ကြောင့်ထိုင်

ဆေးရုံဟာ အလံတော်ကိုကျစ်ကျစ်ပါအောင် ဆုပ်ကိုင်ထား

ဆေးရုံဟာ နေပူပူမိုးရွာရွာ ညာလက်ကိုဖြန့်ခင်းထား

ဆေးရုံဟာ နေ့နေ့ညည ဘယ်လက်ကိုဆန့်ထုတ်ထား

ညနေစောင်းမှောင်လာရင် ဆေးရုံဟာ တစ်နေကုန်ငြိမ်သက်နေရာက ကုန်းရုန်းထလာ

မော်တော်ကားတစ်စီး ရှေ့မီးနှစ်လုံးဝင်းဝင်းတောက်အောင် တဂီးဂီးအော်ရင်း ဆေးရုံရဲ့ညာလက်တစ်လျှောက်

တွားတက်လာ ဆေးရုံဟာ လာသမျှအလွယ်တကူဝင်ထွက်လို့ရအောင် သူ့ပါးစပ်ကိုတစ်ညလုံးဟထား

အရေးပေါ်ခွဲစိတ်မှုတစ်ခုစတင်ဖို့အတွက် တောင်ကုန်းပေါ်ကဆေးရုံဟာ ညကြီးမင်းကြီး မျက်တောင်

တဖျတ်ဖျတ်ခတ် ဆေးရုံရဲ့လှေကားအတက်အဆင်းမှာ အရိပ်တွေ တရိပ်ရိပ်ရွေ့လျားတက်ဆင်း

ဆေးရုံဟာ ညတစ်ရေးနိုး သွေးတွေတစ်ထုပ်ပြီးတစ်ထုပ်ဖောက်သောက် ဆေးရုံဟာ တစ်ညလုံး

သူ့ခံတွင်းဝရောက်လာသမျှ တစ်ခုပြီးတစ်ခုကောက်မြိုချ

ဆေးရုံကို အဝေးကလှမ်းကြည့်ရင် တောင်ကုန်းပေါ်က မကောင်းဆိုးဝါးတစ်ကောင်

အရုဏ်တက်ချိန်ရောက်ရင် တစ်ညလုံးကောက်မြိုထားသမျှ အစာမကြေတဲ့ဆေးရုံဟာ လက်ထိုးအန်

ကုတင်၊ မွေ့ယာ၊ စောင်၊ ခေါင်းအုံး၊ ဖျာတွေ လက်ထိုးအန်

အိုးခွက်ပန်းကန်၊ ဇွန်းကြီးဇွန်းသေး၊ ဆီးအိုး၊ ရေသန့်ဘူး၊ ကျွဲရိုင်းဘူး၊ ကော်ဖီမစ်ထုပ်တွေ လက်ထိုးအန်

ဆေးလုံး၊ ဆေးပြား၊ ဆေးမှုန့်၊ ဆေးရည်၊ ဆေးပုလင်း၊ သွေးပုလင်း၊ အပ်တိုအပ်စတွေ လက်ထိုးအန်

ဘီရိုဟောင်း၊ သော့ခလောက်ဟောင်း၊ တံခါးရွက်အကျိုးအပဲ့၊ ထိုင်ခုံအကျိုးအပဲ့တွေ လက်ထိုးအန်

တစ်ပတ်ရစ် စက်ယန္တရားအကောင်းစားတွေ လက်ထိုးအန်

အောက်ဆီဂျင်အိုးကြီးတွေ တစ်လုံးပြီးတစ်လုံး လက်ထိုးအန်

မပြည့်စုံမှုတွေ လက်ထိုးအန် (ဒေါသတကြီးမြိုချထားတဲ့လက်ညှိုးတွေ

တစ်ချောင်းပြီးတစ်ချောင်း တဝေါ့ဝေါ့ပြန်ထွေးထုတ်

ဒေါသတကြီးမြိုချထားတဲ့မျက်လုံးတွေ တစ်လုံးပြီးတစ်လုံး

တဝေါ့ဝေါ့ပြန်ထွေးထုတ်) ဆေးရုံတစ်ရုံလုံးထွက်ကျလာအောင် အဆက်မပြတ်အန်

အမြှုပ်ထွက်အောင်အန် မျက်ရည်ထွက်အောင်အန် ဇောချွေးထွက်အောင်အန် သွေးတုံးသွေးခဲထွက်

အောင်အန် အသက်ထွက်လုမတတ်အန် ဘာတစ်ခုမှ ထပ်မထွက်နိုင်တော့တဲ့အထိ

အန်

နေထွက်လာတဲ့အခါ

ဆေးရုံဟာ တောင်ကုန်းပေါ်က တစက်စက်အရည်ပျော်ကျ

၂၀၁၃၊ မတ်။