ကျွန်မကလေးကို
အဲဒီကုတင်ပေါ် မရွှေ့ပါနဲ့။ မနေ့ညက အားလုံးအိပ်မောကျနေတုန်း အဲဒီကုတင်ပတ်ပတ်လည်
ကို
ကန့်လန့်ကာနဲ့ဝိုင်းကာလိုက်ကြတယ်။ ညဦးပိုင်းတုန်းက အဲဒီကုတင်မှာ ဘာမှမရှိသေးဘူး။ ဘာဖြစ်နေတာလဲ။
ဆရာဝန်တွေ
တစ်ယောက်ပြီးတစ်ယောက် ကန့်လန့်ကာနောက်ကို ဝင်လိုက်ထွက်လိုက်။ ဆရာမတွေ တစ်ယောက် ပြီးတစ်ယောက်
ကန့်လန့်ကာနောက်ကို ဝင်လိုက်ထွက်လိုက်။ ဘာဖြစ်နေတာလဲ။ ဘာမှမမြင်ရဘူး။ မကြားရဘူး။ စကားလုံးတချို့
ကန့်လန့်ကာနောက်က တစ်ချက်တစ်ချက် ခုန်ထွက်လာတယ်။ ခေါင်းအုံးဖယ်။ ချွဲစုပ်။ အောက်ဆီ
ဂျင်တင်။
မြန်မြန်။ ကန့်လန့်ကာကြားကို လှမ်းချောင်းကြည့်တော့ ကုတင်ဘေးမှာလက်ချောင်းတွေ ရှုပ်ရှက်ခတ်နေ
တာပဲ။ ဆေးထိုးအပ် တစ်ချောင်းပြီးတစ်ချောင်း ထိုးသွင်းနေတယ်။ ဆရာဝန်တစ်ယောက် ကန့်လန့်ကာကြားက
ခေါင်းပြူထွက်လာတယ်။ အမျိုးသမီးတစ်ယောက်ကို လက်ယပ်ခေါ်လိုက်တယ်။ တစ်ခုခု ရှင်းပြနေတယ်။
အမျိုးသမီးက ငြိမ်ပြီးနားထောင်နေတယ်။ ခေါင်းညိတ်နေတယ်။ တစ်ချက်တစ်ချက် ရှိုက်နေပုံရတယ်။
(ရှိုက်သံတော့မကြားရပါဘူး၊ အမူအရာကိုကြည့်ပြီးသိရတာ) ဆရာဝန်ရဲ့ဦးခေါင်း ကန့်လန့်ကာနောက်ကို
ပြန်ဝင်သွားတယ်။
ကန့်လန့်ကာစတွေ လှုပ်ခါကျန်ရစ်တယ်။ ခဏနေတော့ အသံတစ်ခု ကန့်လန့်ကာထားတာကို ခုန်ကျော်ပြီး
ထွက်လာပြန်တယ်။ ဓာတ်မီးပေး။ ဓာတ်မီးပေး။ ကန့်လန့်ကာကြီးငြိမ်သက်နေတယ်။ ကန့်လန့်ကာ အောက်မှာ
မြင်နေရတဲ့ ခြေထောက်တွေလည်း ငြိမ်သက်နေတယ်။ အောက်ဆီဂျင်အိုးထဲက လေပလုံစီတွေ လျော့ သွားတယ်။
ကန့်လန့်ကာနောက်ကလူတွေ တစ်ယောက်ပြီးတစ်ယောက်ပြန်ထွက်လာတယ်။ ခေါင်းခါတယ်။ အံကြိတ်တယ်။
လက်သီးဆုပ်ထားတယ်။ စကားလည်းတစ်ခွန်းမှထပ်မပြောကြတော့ဘူး။ ကန့်လန့်ကာကြီး(လိုပဲ)
ငြိမ်သက်နေတယ်။
ကန့်လန့်ကာနောက်ကွယ်မှာ မှောင်နေတယ်။ ကန့်လန့်ကာနောက်ကွယ်ကို သဲသဲကွဲကွဲမမြင်ရ ဘူး။
ကုတင်တစ်လုံးရှိတယ်ဆိုတာပဲ သိရတယ်။ ကုတင်ပေါ်ကို သဲသဲကွဲကွဲမမြင်ရဘူး။ အချိန် တော်တော်ကြာတဲ့
အထိ အဲဒီကန့်လန့်ကို ဆက်ကာထားကြတယ်။ နောက်တော့ ကျွန်မလည်း ပြန်အိပ်ပျော်သွားတယ်။ ကျွန်မနိုးလာ
တော့ ကန့်လန့်ကာမရှိတော့ဘူး။ ကုတင်ပေါ်မှာလည်း ဘာမှမရှိဘူး။ ဘေးနားကလူတွေကိုမေးကြည့်တော့
ကန့်လန့်ကာအကြောင်း ဘယ်သူမှမသိလိုက်ကြဘူး။ ညတုန်းက ကန့်လန့်ကာကြီး ဘယ်ရောက်သွားတာလဲ။
၂၀၁၃၊
ဖေဖော်ဝါရီ။
