ခေါင်းနီ

အုတ်နံရံပေါ်ကို လက်နဲ့အသာ ကုတ်ပွတ်လိုက်တာနဲ့ တစ်ဆုပ်တစ်ခဲပါလာတဲ့ ရေညှိ

အထွေးလိုက်ကြားမှာ လည်တဆန့်ဆန့် ပြိုင်တူယိမ်းနေကြတဲ့ ဘဲငန်းလိုလို၊ ကြက်ဖလိုလို၊

မြွေဟောက်လိုလို အပင်ငေါက်တောက်လေးများကို တစ်ယောက်တစ်ပင်ကိုင်ကြပြီး

လည်ချင်းချိတ်၊ မျက်စိမှိတ်၊ တစ်၊ နှစ်၊ သုံး ပြိုင်တူအော်ပြီး ဆွဲ၊ ပြီး၊ မျက်လုံးပြန်ဖွင့်ကြည့်၊

ခေါင်းပြတ်ပြီး လက်ထဲမှာ အမြီးပဲကျန်ရစ်ခဲ့တဲ့ကောင် ရှုံး၊ တချို့ခေါင်းတွေက စိမ်းစိုစို၊ အဆံ

ကြီးကြီးနဲ့ ခန့်ညားပေမယ့် တကယ်တန်းယှဉ်ဆွဲရင် ခွက်ခွက်လန်အောင်ရှုံး၊ တချို့ခေါင်းထိပ်မှာ

နှုတ်သီးလိုလို၊ အမောက်လိုလို၊ ထိပ်ဖူးနီရဲရဲလေးနဲ့ ကြည့်လို့လှပေမယ့် သူတို့လည်း စိတ်မချရ၊

နိုင်တစ်လှည့်၊ ရှုံးတစ်လှည့်၊ နီညိုညိုမည်းပိန်ပိန် ရှုံ့တွခြောက်သယောင်းနေတဲ့ အဆံသေးသေး 
ပိန်တာရိုးခေါင်းမျိုးကမှ ပွဲတိုင်းကျော်၊ ခေါင်းဖြတ်ဗိုလ်၊ ခေါင်းနီဆိုရင် ကျန်တဲ့ကောင်တွေ

မျက်စောင်းမထိုးရဲ၊ ခေါင်းနီကိုယှဉ်ဖြတ်နိုင်တာ ခေါင်းနီပဲ၊ ခေါင်းနီဗိုလ်ပဲ၊ ခေါင်းနီးအချင်းချင်း

တွေ့ရင်တော့ လက်သာတဲ့ကောင် အနိုင်၊ ခေါင်းနီအချင်းချင်း ယှဉ်ဖြတ်ကြပြီဆိုရင် လျှာပေါ်တင်၊ 
တံတွေးနဲ့အမြှုပ်တစီစီ ရွှဲအောင်ဆွတ်ပြီး မန်းကြ မှုတ်ကြ ဆွဲကြ ဖြတ်ကြ၊ နိုင်တဲ့ကောင်

အာကျယ်၊ ရှုံးတဲ့ကောင် မျက်စောင်းခဲ၊ တောက်ခေါက်၊ အားမရရင် နိုင်တဲ့ကောင်ရဲ့ခေါင်းနီကို

လက်နဲ့ ဖြတ်ခနဲ ဆွဲဖြုတ်၊ လက်မနဲ့လက်ညှိုးကြား ဖိပွတ်ကြိတ်ချေ၊ ဆဲဆို၊ ဆွဲထိုး၊ ရုံးခန်းရောက်၊

မကျေနပ်ရင် မကြေပွဲထပ်နွှဲ၊ ကျောင်းတက်ခေါင်းလောင်း မထိုးသေးခင်စပ်ကြား၊ ကမ္ဘာမကြေသီချင်း

မဆိုရခင်စပ်ကြား၊ မင်္ဂလာပါဆရာမ နှုတ်မဆက်ရသေးတဲ့အခါမျိုး၊ ကျေးဇူးတင်ပါတယ်ဆရာမ
 နှုတ်ဆက်ပြီးသွားတဲ့အခါမျိုး၊ သုံးမိနစ်ပဲရရ၊ ငါးမိနစ်ပဲရရ၊ ရသမျှအချိန်အတွင်း စာသင်ခုံပေါ်ခွပြီး 
မျက်နှာချင်းဆိုင်ထိုင်၊ မျက်လုံးချင်းစိုက်ကြည့်၊ အိမ်သာသွားချင်ယောင်ဆောင်ပြီး ဆွဲနှုတ်လာတဲ့၊

စာသင်ခုံအံထဲ၊ လွယ်အိတ်ထောင့်ထဲ၊ စာအုပ်ကြားထဲ ဆရာမ မသိအောင် လျှို့ဝှက်ထားတဲ့၊

ခေါင်းနီပေါင်းများစွာထဲက အကောင်းဆုံးလို့ထင်ရတဲ့ ခေါင်းနီတစ်ကောင်ရွေးထုတ်၊ အင်္ကျီလက်မောင်း

ပင့်တင်၊ ခေါင်းချင်းချိတ်၊ လည်ချင်းချိတ်၊ ဒိုင်လုပ်တဲ့ကောင်က တစ်၊ နှစ်၊ သုံး၊ ဆွဲဆိုတာနဲ့

မျက်စိစုံမှိတ်၊ ခေါင်းနီရဲ့အမြီးကိုကိုင်ထားတဲ့ လက်မနဲ့လက်ညှိုးထိပ်ဖျားဆီ အတွင်းအားများ စုစည်းပို့ဆောင်ပြီးသကာလ ပေါက်ကွဲအားပြင်း လက်ပစ်ဗုံးတစ်လုံးရဲ့ စံနက်တံကို ဆွဲဖြုတ်

ပစ်ကြဲလိုက်သလို အသားကုန် ဆောင့်ဆွဲ၊ အသားကုန်သာ ဆောင့်ဆွဲ။

လင်းဇင်ယော်

၂၀၁၃၊ ဒီဇင်ဘာ။

လိပ်ကျောက်ဆူး

လည်ပင်းဘေးမှာ တန်းလန်းစိုက်ဝင်နေတဲ့ လိပ်ကျောက်ဆူးဟာ အတွင်းထဲကိုဘယ်လောက်အထိ နက်ဝင်သွားတယ်ဆို တာ ခန့်မှန်းရခက်နေတယ်။ ပုံမှန်မြင်နေကျ လိပ်ကျောက်ဆူးတစ်ချောင်းဟာ အလျားရှစ်လက်မကနေ ဆယ်လက်မအထိ ရှိတတ်တယ်။ အခု အပြင်မှာကျန်နေတဲ့အပိုင်းက သုံးလက်မလောက်ရှိနေတယ်ဆိုတော့ အထဲမှာငါးလက်မလောက် အနည်းဆုံးရှိနေလိမ့်မယ်လို့ ယူဆရတယ်။ တိရစ္ဆာန်တွေရဲ့အရိုးကို လက်နက်အဖြစ်အသုံးပြုခဲ့တာ ကမ္ဘာဦးကတည်းကနေ ဒီနေ့အထိပဲ။ မရိုးနိုင်။ ဒီလိပ်ကျောက်ဆူးက လည်ပင်းထဲကို ဘာကြောင့်စိုက်ဝင်နေရတာလဲ။ မတော်တဆတော့ မဟုတ် လောက်ဘူး။ ရန်ဖြစ်ရင်းထိုးမိတာလား။ မဟုတ်ဘူး။ အိပ်ပျော်နေတုန်း တစ်ယောက်ယောက်က လာထိုးသွားတာတဲ့။ ဘယ်မှာဖြစ်တာလဲဆိုတော့ လှေထဲမှာတဲ့။ ထိုးတဲ့အချိန်က မနက်ခြောက်နာရီ။ ခရီးဝေးတော့ ဆေးရုံရောက်လာတဲ့အချိန် ကညဆယ့်တစ်နာရီ။ ထိုးခါစတုန်းက သွေးတအားထွက်တယ်လို့ပြောတယ်။ ဆေးရုံရောက်တော့ ဒဏ်ရာကသွေးချိုးတွေနဲ့ ခြောက်ကပ်နေပြီ။ လည်ပင်းမှာလက်နက်တန်းလန်းနဲ့လူနာကတော့ စကားကောင်းကောင်းပြောလို့မရပေမယ့် သတိတော့ ကောင်းကောင်းရနေတယ်။ ဒီအချိန်အထိ အသက်ရှင်နေနိုင်သေးပုံထောက်ရင်တော့ အရေးကြီးတဲ့သွေးကြောကြီးတွေ မထိခိုက်ဘူးလို့ယူဆရတာပဲ။ ဒါပေမယ့် တပ်အပ်သေချာ ဘာမှပြောလို့မရသေးဘူး။ စကားပြောလို့မရဘူးဆိုတော့ လေပြွန် ထိသွားတာသေချာတယ်။ အစာရေမြိုပြွန် ထိမထိကတော့ မသေချာသေး။ အရေးပေါ်ဌာနတာဝန်ကျဆရာဝန်က လူနာကို ရောက်တဲ့နေရာမှာ ငြိမ်ငြိမ်ထိုင်ခိုင်းထားပြီး အောက်ဆီဂျင်ပေးရှူထားတယ်။ ပြီးတော့ ဆရာကြီးဆီကို ချက်ချင်းဖုန်းဆက် အကြောင်းကြားလိုက်တယ်။ သိပ်မကြာခင်မှာပဲ ဆရာကြီးရောက်လာတယ်။ လူနာကိုကြည့်တယ်။ လိပ်ကျောက်ဆူးက ဒိန်းဂျားဧရိယာမှာ ထိသွားတာတဲ့။ ခွဲစိတ်ခန်း ချက်ချင်းဝင်ရမယ်တဲ့။ သွေးရှစ်လုံးရှာပေးတဲ့။ မေ့ဆေးဆရာဝန်ကြီးကို အကြောင်းကြားတော့ သွေးသုံးလုံးရတာနဲ့ ခွဲခန်းဖွင့်မယ်တဲ့။ လူနာသွေးအမျိုးအစားစစ်ကြည့်တော့ အိုသွေး။ ဒါနဲ့သွေးလှူ ဘဏ်ကို ဖုန်းဆက်မေးရတယ်။ အိုသွေးဘယ်နှလုံးရှိလဲ? သုံးလုံးတဲ့။ ဒါဆိုအိုကေ။ ကျန်တဲ့သွေးငါးလုံးကိုတော့ သွေးလှူရှင် အသင်းတွေကိုဖုန်းဆက်ပြီး အကူအညီလှမ်းတောင်းရတယ်။ သွေးလာလှူတဲ့သူတွေကလည်း လည်ပင်းမှာ လိပ်ကျောက် ဆူးတန်းလန်းနဲ့လူနာကိုမြင်တော့ ထူးခြားဖြစ်စဉ်အနေနဲ့ ဟိုမေးဒီမေးလုပ်ရင်း လက်ကိုင်ဖုန်းတွေနဲ့ ဓာတ်ပုံတဖျပ်ဖျပ်ရိုက် နေတာကြောင့် တာဝန်ကျဆရာဝန်က လူနာအနှောင့်အယှက်ဖြစ်မှာစိုးလို့ ထပ်မရိုက်တော့ဖို့ဖျောင်းဖျပြောဆိုနေရတယ်။ သိပ်မကြာခင်မှာပဲ မေ့ဆေးဆရာဝန် ကြီးရောက်လာတယ်။ ဆရာကြီးလည်း ရောက်နေပြီ။ လက်ထောက်လည်း ရောက် နေပြီ။ ခွဲခန်းအဖွဲ့သားတွေလည်း ရောက်နေပြီ။ သွေးရှစ်လုံးလည်း လက်ထဲမှာအဆင်သင့်ရှိနေပြီဆိုတော့ အရေးပေါ် ခွဲစိတ်ခန်းတံခါးကို ဖွင့်လိုက်ကြတယ်။ အရေးပေါ်ခွဲစိတ်ခန်းမီးတွေ တစ်ချောင်းပြီးတစ်ချောင်း လင်းလာတယ်။

ညဆယ့်နှစ်နာရီတိတိမှာ လူနာကိုမေ့ဆေးစပေးတယ်။ ဆရာကြီးက ခွဲစိတ်အကူတစ်ယောက်ထပ်လိုတယ်ဆိုလို့ နောက် ထပ် လက်ထောက်တစ်ယောက်ကို အကူအညီတောင်းရတယ်။ ဆရာကြီးရယ်၊ လက်ထောက်နှစ်ယောက်ရယ်၊ ခွဲစိတ်ခန်း ဆရာမရယ် ညဆယ့်နှစ်နာရီဆယ့်ငါးမှာ ခွဲစိတ်မှုစတင်တယ်။ မေ့ဆေးဆရာဝန်ကြီးကတော့ လူနာရဲ့ခေါင်းရင်းမှာ ထိုင်ရင်း မေ့ဆေးဘောလုံးကို တစ်ချက်ချင်းညှစ်ပေးနေတယ်။ ဆရာကြီးက လိပ်ကျောက်ဆူးစိုက်ဝင်နေတဲ့ဒဏ်ရာရဲ့ ဘေးနှစ်ဘက် ကို ချဲ့ထုတ်လိုက်တယ်။ ထုံးစံအတိုင်း အရေပြား၊ အဆီပြင်၊ အမြှေးပါးတွေကို တစ်လွှာချင်းဖွင့်ထုတ်လိုက်တယ်။ ခဏနေ တော့ သိုင်းရွိုက်အကြိတ်ပေါ်လာတယ်။ သိုင်းရွိုက်ထိထားတယ်။ ဒုက္ခပဲ၊ ငယ်ငယ်ရွယ်ရွယ်နဲ့ သိုင်းရွိုက်ထုတ်ပစ်ရတော့ မယ်တဲ့။ ဆရာကြီးက တစ်ခွန်းပြောလိုက်ပြီး သိုင်းရွိုက်ကိုဖြတ်ထုတ်နေတယ်။ သိုင်းရွိက်အောက်နားမှာကပ်နေတဲ့ ရီကားရင့်လာရင်ဂျီရယ်နာ့ဗ်ကို သေသေချာချာရှာပေးပြီး ချန်ထားရစ်ခဲ့တယ်။ ပြီးတော့ သိုင်းရွိုက်ကို တစ်ခုလုံးမထုတ် ပစ်ဘဲ တစ်ဖက်ကိုနည်းနည်းစီချန်ထားရစ်ခဲ့တယ်။ လုံးဝမရှိတော့တာထက်စာရင် နည်းနည်းရှိနေတာက သူ့အတွက် ပိုကောင်းတယ်တဲ့။ သိုင်းရွိုက်ထုတ်ပြီးသွားတော့ တဒိတ်ဒိတ်ခုန်နေတဲ့ လည်ပင်းသွေးကြောမကြီးတွေမှာကပ်နေတဲ့ အမြှေးပါးတွေကို ဖြည်းဖြည်းချင်းရှင်းထုတ်နေတယ်။ လိပ်ကျောက်ဆူးက အရေးကြီးတဲ့သွေးကြောကြီးတွေရဲ့ အောက်ဖက် က ကပ်လျက်လျှိုပြီးဝင်သွားတယ်။ သွေးကြောကြီးတွေ တစ်ခုမှမထိဘူး။ ဒီလူတော်တော်ကံကောင်းတာပဲတဲ့။ ဆရာကြီး ကပြောလိုက်တယ်။ သွေးကြောကြီးတွေကိုမထိပေမယ့်လည်း လိပ်ကျောက်ဆူးဟာ လေပြွန်ထဲကိုတော့ တိတိကျကျ တန်းတန်းမတ်မတ် ဖောက်ဝင်သွားတယ်။ အစာရေမြိုပြွန် ထိသွားသလား။ မပြောနိုင်သေးဘူး။ ဆရာကြီးက လေပြွန်ရဲ့ ဘေးတစ်ဖက်တစ်ချက်ကို အသာအယာရှင်းထုတ်နေတယ်။ ပြီးတော့ လေပြွန်ပတ်ပတ်လည်ကို လက်နဲ့နှိုက်စမ်းရင်းကနေ ဟ! သောက်ကျိုးနည်းတဲ့။ ဆရာကြီးက အလန့်တကြားထအော်တယ်။ လိပ်ကျောက်ဆူးက လေပြွန်ရဲ့ဘယ်ဘက်ကနေ ဖောက်ဝင်ပြီး ညာဘက်ကိုဖောက်ထွက်သွားတယ်။ ထုတ်ချင်းပေါက်။ အစ်မရေ၊ ဒီဘက် လည်ပင်းတစ်ခြမ်းပါ ဖွင့်မှရတော့ မယ်တဲ့။ ဆရာကြီးကပြောတော့ မေ့ဆေးဆရာဝန်ကြီးက ပြုံးပြုံးကြီးလုပ်ရင်း ဖွင့်စေဗျားတဲ့။ အချိန်က နာရီပြန်နှစ်ချက်တီး နေပြီဆိုတော့ သန်းခေါင်ထက်ညမနက်တော့ဘူးကိုး။ ပြီးတော့ မေ့ဆေးကိုနည်းနည်းထပ်တင်လိုက်တယ်။ ပြီးတော့ သွေး တစ်လုံးထပ်သွင်းဖို့လည်း ညွှန်ကြားလိုက်တယ်။

မေ့ဆေးဆရာဝန်ကြီးကခွင့်ပြုတော့ ဆရာကြီးလည်း ကျန်တဲ့လည်ပင်းတစ်ခြမ်းကို ခပ်သွက်သွက်ဖွင့်ချလိုက်တယ်။ ပြီး တော့ လေပြွန်ပေါ်လာအောင် ခပ်မြန်မြန်ရှင်းထုတ်လိုက်တယ်။ လေပြွန်ဘေးနားကသွေးကြောကြီးတွေကို စတီးကောက် လေးနဲ့ အသာအယာဆွဲဖယ်ကြည့်လိုက်တော့ လေပြွန်ကိုထုတ်ချင်းဖောက်ပြီး တစ်လက်မလောက်စွန်းထွက်နေတဲ့ လိပ်ကျောက်ဆူးအဖျားချွန်ချွန်ဟာ ခွဲစိတ်ခန်းမီးရောင်အောက်မှာ ထင်းထင်းကြီးပေါ်လာတယ်။ အဲဒီအချိန်မှာ ကင်မရာ မီးရောင်တွေလည်း တဖျပ်ဖျပ်လက်သွားကြတယ်။ သေချိန်မတန်သေးလို့ပဲလား။ သက်ဆိုးရှည်ချင်တာပဲလား။ ချွန်မြနေတဲ့ လိပ်ကျောက်ဆူးဟာ ဒီဘက်ကလည်ပင်းသွေးကြောမကြီးတွေကိုလည်း တစ်ခုမှမထိခိုက်မိဘဲ ပွတ်ကာသီကာလေးကပ်လွဲ နေပြန်တယ်။ ဆရာကြီးက လည်ပင်းဘေးနှစ်ဖက်က အသက်သွေးကြောမကြီးတွေကို လွတ်လွတ်ကျွတ်ကျွတ်ဖြစ်သွား အောင် အရင်ရှင်းထုတ်လိုက်တယ်။ ဆရာကြီးနဲ့ အကူလက်ထောက်နှစ်ယောက်ရဲ့ လက်ခြောက်ဖက်ဟာ လည်ပင်း တစ်ဝိုက်နေရာကျဉ်းကျဉ်းမှာ သတိကြီးစွာနဲ့လှုပ်ရှားနေကြရတယ်။ အပ်ချက်၊ ညှပ်ချက်၊ ချည်ချက်၊ ဖြုတ်ချက်တွေဟာ လွဲသွားလို့မရဘူး၊ လိုသွားလို့မရဘူး၊ လျော့သွားလို့မရဘူး၊ ကြမ်းသွားလို့မရဘူး။ သတိတစ်ချက်လွတ်သွားတာနဲ့ မျက်နှာ ကျက်အထိထောင်ပန်းမယ့် သွေးကြောကြီးတွေက တဒိတ်ဒိတ်ခုန်ပြီး အဆင်သင့်စောင့်နေကြတယ်။ ပင်ပန်းညောင်းညာ နေကြပေမယ့် ကြိုးစားပြီးအားတင်းထားကြရတယ်။ ဆရာကြီးက လေပြွန်မှာစိုက်ဝင်နေတဲ့လိပ်ကျောက်ဆူးကို အသာလေး နောက်ပြန်ဆွဲနှုတ်ကြည့်တယ်။ လိပ်ကျောက်ဆူးဘေးအသွားတွေ ထစ်ပြီးခံနေတော့ လေပြွန်ကြီးပါပါလိုက်လာနေတယ်။ အရှေ့ဘက်ကိုပြန်ထိုးထုတ်ပြန်ရင်လည်း သွေးကြောတွေနဲ့က မလွတ်မကင်း။ ဘုန်းကတ်တာပေးတဲ့။ ဆရာကြီးက အရိုး ဖြတ်တဲ့ကိရိယာတစ်ခု လှမ်းတောင်းလိုက်တယ်။ ဆရာမတစ်ယောက်က ပလာယာလို ကိရိယာတစ်ခုယူလာပေးတယ်။ အဲဒါကြီးနဲ့ ဆရာကြီးက လိပ်ကျောက်ဆူးကို အလည်တည့်တည့်ကနေ ညှပ်ပြီးဖြတ်ချလိုက်တယ်။ နှစ်ချက်၊ သုံးချက် လောက်အားထည့်ပြီးညှပ်လိုက်တော့ လိပ်ကျောက်ဆူးဟာ ထောက်ခနဲ နှစ်ပိုင်းပြတ်ထွက်သွားတယ်။ သက်သေခံပစ္စည်း ဖျက်ဆီးမှုနဲ့ တရားစွဲခံရတော့မယ်ထင်တယ်လို့ ဆရာကြီးက အရွှန်းဖောက်နေသေးတယ်။ ခွဲစိတ်မှုဟာ ခုနှစ်ဆယ် ရာခိုင်နှုန်းလောက် အောင်မြင်နေပြီဆိုတော့ အသံတွေက တက်ကြွလာနေတယ်။ လက်တွေလည်း သွက်လက်လာတယ်။ နှစ်ပိုင်းကျိုးသွားတဲ့ လိပ်ကျောက်ဆူးကို ရှေ့တစ်ခု၊ နောက်တစ်ခု ဆွဲနှုတ်လိုက်ကြတော့ ကျန်ရစ်ခဲ့တဲ့ လေပြွန်အပေါက် တွေထဲကနေ လေတွေတရှူးရှူးနဲ့ ပလုံစီထပြီးထွက်လာတယ်။ အဲဒီအပေါက်ထဲကို ဆရာကြီးက ညှပ်အသေးလေး တစ်ချောင်းနဲ့ ထိုးထည့်ပြီးစမ်းကြည့်နေတယ်။ လေပြွန်အနောက်မှာကပ်လျက်ရှိနေတဲ့ အစာရေမြိုပြွန်ကိုလည်း အသာ အယာစမ်းကြည့်နေတယ်။ ပုံစံကြည့်ရတာ အီဆိုးဖေးဂတ်စ်တော့ မထိလောက်ပါဘူးတဲ့။ ဆရာကြီးက စမ်းရင်းပြောနေ တယ်။ ပြီးတော့ ဗင်ခရိုင်း သရီး ဇီးရိုးပေး ဆိုပြီး လေပြွန်အပေါက်ကိုဖာဖို့အတွက် အပ်နဲ့အပ်ချည်လှမ်းတောင်းလိုက်တယ်။ ပြီးတော့ လေပြွန်ဘေးနှစ်ဖက်က ဒဏ်ရာအပေါက်တွေကို တစ်ချက်ချင်း အသေအချာချုပ်ပြီးဖာထေးလိုက်တယ်။ ပြီးတော့ လေပြွန်လမ်းလွှဲပေါက်ဖောက်ဖို့အတွက် လျှပ်စစ်ဓားနဲ့ လေပြွန်အလယ်တည့်တည့်ကို ဖွင့်ချလိုက်တယ်။

လေပြွန်အရိုးနုတွေ မီးကျွမ်းသွားပြီး ဒေါင်လိုက်အမြောင်းရာလေး ဖြစ်ကျန်ရစ်တယ်။ အဲဒီအမြောင်းရာထဲကို အပေါက်ချဲ့တဲ့ ကိရိယာနဲ့ ထိုးကလန့်ပြီးဟလိုက်တယ်။ ပြီးတော့ ပြွန်နှစ်ထပ်ပါတဲ့ ကြေးပြွန်ကောက်တစ်ခုကို အလိုက်သင့်ထိုးထည့်ပေး လိုက်တယ်။ တစ်ချိန်တည်းမှာပဲ မေ့ဆေးဆရာဝန်ကြီးက ပါးစပ်ထဲထိုးထည့်ထားတဲ့ မေ့ဆေးပြွန်ကောက်ကြီးကို ဆွဲထုတ် လိုက်ပြီး လည်ပင်းမှာဖောက်ထားတဲ့ လေပြွန်အပေါက်ထဲကို ပြောင်းတပ်ပေးလိုက်တယ်။ လည်ပင်းအရေပြားကို ပြန်မပိတ် ခင် သွေးယိုစိမ့်မှုရှိမရှိသိရအောင် ထိပ်ပိုင်းမှာအပေါက်ငယ်လေးတွေပါတဲ့ ပိုက်နှစ်ချောင်းကို လည်ပင်းတစ်ဖက်တစ်ချက် မှာထိုးထည့်ပြီး သွေးခံပလတ်စတစ်ဗူးလေးတွေနဲ့ တွဲချည်ပေးလိုက်တယ်။ ပြီးတော့ ဆရာကြီးနဲ့လက်ထောက် အပ်နဲ့ အပ်ချည်ကိုယ်စီနဲ့ လည်ပင်းဘေးတစ်ဖက်တစ်ချက်ကို ပြန်ပိတ်ချုပ်ပေးလိုက်ကြတယ်။ လေပြွန်လမ်းလွှဲပေါက်မှာ တပ်ထား တဲ့ စတီးပြွန်ကောက်ကိုလည်း မပြုတ်ထွက်သွားအောင် အရေပြားနဲ့တွဲချုပ်ပေးထားလိုက်တယ်။ အဲဒီအချိန်မှာ မေ့ဆေး ဆရာဝန်ကြီးက ငါတို့တော့ အီကြာကွေးနဲ့လက်ဘက်ရည် စားရတော့မယ်ထင်တယ်ဆိုပြီး ပြောလိုက်လို့ အားလုံးရယ်လိုက် ကြရသေးတယ်။ အားလုံးပြီးသွားတော့ ဆရာမတစ်ယောက်က နှာခေါင်းပိုက်တစ်ချောင်းယူလာပြီးတော့ လူနာရဲ့နှာခေါင်း ထဲကို ဖြည်းဖြည်းထိုးထည့်လိုက်တယ်။ ပြီးတော့ အစာအိမ်ထဲကိုရောက်မရောက်စမ်းဖို့အတွက် ဆရာမတစ်ယောက်က အစာအိမ်နေရာကို နားကြပ်နဲ့နားထောင်နေတယ်။ ကျန်တဲ့တစ်ယောက်က နှာခေါင်းပိုက်ထိပ်ကနေ နှစ်ဆယ်စီစီဆရင်း တစ်ချောင်းနဲ့ လေထိုးထည့်လိုက်တယ်။ နားကြပ်နဲ့နားထောင်နေတဲ့ဆရာမက အစာအိမ်ထဲကို လေဝင်တဲ့အသံကြားရ တော့ ရပြီလို့ပြောလိုက်တယ်။ ပြီးတော့ နှာခေါင်းပိုက်ကို လူနာရဲ့နှာခေါင်းထိပ်မှာ မပြုတ်ထွက်အောင် ပလာစတာနဲ့ အထပ်ထပ်ကပ်ပေးလိုက်ကြတယ်။ ဆရာကြီးက စိတ်မချသေးတာနဲ့ အပ်နဲ့အပ်ချည်ယူပြီး နှာခေါင်းကိုဖောက်ချုပ်ရင်း နှာခေါင်းပိုက်နဲ့တွဲချည်ပေးထားလိုက်တယ်။ ပြီးတော့ နာရီမော့ကြည့်လိုက်တယ်။ ဟာ! သုံးနာရီ တောင်ခွဲသွားပြီတဲ့။ အစ်မ ရေ၊ မနက်ဖြန်လုပ်မယ့်ကေ့စ်တွေကို နောက်တစ်ရက်ရွှေ့လိုက်ရင် ကောင်းမယ်ထင်တယ်တဲ့။ ဆရာကြီးက မေ့ဆေး ဆရာဝန်ကြီးကိုပြောလိုက်တယ်။

လင်းဇင်ယော်

ပိတောက်ပွင့်သစ်၊ နိုဝင်ဘာ၊ ၂၀၁၃။

ဗိုလ်ချုပ်ကြေးရုပ်

ဗိုလ်ချုပ်ကြေးရုပ်ရဲ့ဆောင်ဓား ပျောက်ဆုံးခြင်းနောက်မှာ

ဗိုလ်ချုပ်ကြေးရုပ်လက်ထဲကို ပစ္စည်းအမျိုးမျိုးရောက်လာတယ်။

ဗိုလ်ချုပ်ကြေးရုပ်လက်ထဲမှာ အလံတွေတစ်ခုပြီးတစ်ခု တက်လိုက်ဆင်းလိုက် တလူလူလွင့်လာတယ်။

စပါးနှံ၊ စက်သွား၊ ကြယ်ဖြူဆယ့်လေးလုံးနဲ့ အလံတော်ဟောင်း။ အလယ်မှာကြယ်ဖြူနဲ့ သုံးရောင်ခြယ်

အလံတော်သစ်။ အနီရောင်နောက်ခံနဲ့ ဒေါင်းရုပ်အလံ။ အစိမ်းရောင်နောက်ခံနဲ့ ခြင်္သေ့ရုပ်အလံ။

အနက်ရောင်နောက်ခံနဲ့ အရိုးခေါင်းရုပ်အလံ။ ဗိုလ်ချုပ်လက်ထဲမှာ ဖြုတ်လိုက်တပ်လိုက်။

တလူလူလွင့်။ ဗိုလ်ချုပ်ဟာ မြို့လယ်ခေါင်မှာ မြင်းကြီးစီးလို့။ တစ်နေ့တစ်လံ။

လွတ်လပ်ရေးအတွက် လက်နက်ကိုင်တော်လှန်ခဲ့တဲ့ သမိုင်းထဲကဗိုလ်ချုပ်လိုပဲ။

အခု။ မြို့လယ်ခေါင်က ဗိုလ်ချုပ်ကြေးရုပ်ကြီးလည်း လက်နက်အမျိုးမျိုးကိုင်ဆောင်။

လက်စွဲတော်ဆောင်ဓားပျောက်သွားပြီးတဲ့နောက်မှာ ဗိုလ်ချုပ်ဟာ ကျွဲဂျိုလေးခွကိုင်တယ်။

လှံရှည်ကိုင်တယ်။ ဒူးလေးကိုင်တယ်။ ဂျင်ကလိကိုင်တယ်။ ဝါးရင်းတုတ်ကိုင်တယ်။ ကျိုက်ထီးရိုးသေနတ်ကိုင်တယ်။

တစ်ခါတလေ ဗိုလ်ချုပ်ကြေးရုပ်ဟာ သူ့ပန်းခြံထဲကပန်းပွင့်တချို့ကို ဆုပ်ကိုင်ထားတတ်သေးတယ်။

အနံ့မမွှေး။ အရောင်မလှ။ တောပန်း။ တောင်ပန်း။ အလေ့ကျပန်းတွေ ဗိုလ်ချုပ်လက်ထဲမှာ

တွေ့ရတယ်။ သင်္ကြန်ဆို အုန်းခက်အုန်းလက်တွေ၊ ပိတောက်ပန်းတွေလည်း ကိုင်တယ်။

သီတင်းကျွတ်ဆို ဆီမီးတိုင်ကိုင်တယ်။

ညညဆို ဗိုလ်ချုပ်ကြေးရုပ်ရဲ့ခြေရင်းမှာ အိမ်ခြေယာမဲ့တွေ အိပ်စက်ကြတယ်။ ဗိုလ်ချုပ်လက်ထဲက

ထမင်းထုပ်ဟာ သူတို့အတွက် အရသာရှိတဲ့ညစာ။ ဗိုလ်ချုပ်မြင်းဝမ်းဗိုက်အောက်မှာ သူတို့တွေ

မိုးလုံလေလုံ။ ဗိုလ်ချုပ်ပုခုံးနှစ်ဖက်ဟာ သူတို့မျှော်စင်။

နေ့ထူးနေ့မြတ်ရောက်ရင် ဗိုလ်ချုပ်ကြေးရုပ်ကြီးဟာ ရွှေရောင်တဝင်းဝင်းနဲ့။

ပတ်ပတ်လည်မှာ လက်နက်ကိုင်အစောင့်တွေနဲ့။ ပတ်ပတ်လည်မှာ နိုင်ငံတော်အလံတွေနဲ့။ ပတ်ပတ်လည်မှာ ရောင်စုံပန်းခွေတွေ၊ ပန်းခြင်းတွေနဲ့။ ပတ်ပတ်လည်မှာ သတိဆွဲငြိမ်သက်သူတွေ၊ ခါးကိုင်းဦးညွှတ်သူတွေနဲ့။

ပတ်ပတ်လည်မှာ မျက်ရည်ယိုဗုံးခွဲမယ့်သူတွေနဲ့။

ဗိုလ်ချုပ်ကြေးရုပ်ကြီး ဓားပျောက်နေတာကို တခြားဗိုလ်ချုပ်ကြေးရုပ်များ သိကြပေမယ့်

ဝင်ရောက်စွက်ဖက်ခြင်း၊ အကူအညီပေးခြင်း မရှိ။ ဓားပျောက်နေတဲ့ ဗိုလ်ချုပ်ကြေးရုပ်ကို

ဓားကိုင်ထားတဲ့ ဗိုလ်ချုပ်ကြေးရုပ်များက ပြက်ရယ်ပြုကြ။ ဘေးဖယ်ထုတ်ကြ။

ဓားပျောက်နေတဲ့ ဗိုလ်ချုပ်ကြေးရုပ်ကြီးကတော့ ထုံးစံအတိုင်း တိတ်ဆိတ်ငြိမ်သက်။

ပျောက်ဆုံးနေတဲ့ဓားဟာ ဗိုလ်ချုပ်ရဲ့ခန္ဓာကိုယ်ထဲမှာ

စိုက်ဝင်နစ်မြုပ်နေမှန်း ဘယ်သူမှမသိကြ။

လင်းဇင်ယော်

၂၀၁၃၊ နိုဝင်ဘာ။

အသံအိုး

သူက ရန်ကုန်မှာ တက္ကစီမောင်းတယ်။ ကားမောင်းနေရင်းကနေ ရုတ်တရက်အသံဝင်သွားပေမယ့် ပြန်ကောင်းသွားမှာပါ ဆိုပြီး ပေတေပြီးနေခဲ့တာ တစ်နှစ်တိတိကြာသွားတယ်။ နောက်တော့မှ လည်ချောင်းထဲ တစ်ဆို့ဆို့ကြီးဖြစ်လာပြီး အသက် ရှူမရဘဲပိတ်လာလို့ ဆေးရုံရောက်ပြီး အရေးပေါ်လေပြွန်ဖောက်လိုက်ရတယ်။ ဆေးရုံမှာ ရောဂါရှာဖွေကြတော့ အသံအိုး ကင်ဆာဆိုတာကို တွေ့ရှိသွားကြတယ်။ ကင်ဆာမှန်းသိလိုက်ရတော့ အသံဝင်နေရာကနေ စိတ်ဓာတ်တွေပါတိမ်ဝင်သွား ပြီး ဆက်မကုတော့ဘူး၊ အိမ်ပြန်သေမယ်လို့ ဆုံးဖြတ်လိုက်တယ်။ မိဘတွေ၊ ညီမတွေရှိရာ ကိုယ့်ဇာတိမြို့ကိုယ် ပြန်ရောက် လာတော့ ဆေးရုံနဲ့အဆက်အစပ်ရှိတဲ့ညီမတစ်ယောက်က ဒီမြို့ကိုရောက်နေတဲ့ နား၊ နှာခေါင်း၊ လည်ချောင်း ဆရာဝန်ကြီး နဲ့ ပြပေးဖို့ကြိုးစားတယ်။ လူနာက အစပိုင်းတော့ မပြချင်ဘူး၊ တရားပဲအားထုတ်တော့မယ်လို့ ခေါင်းခါပေမယ့် ညီမတွေက တဂျီဂျီ တိုက်တွန်းပါများတော့ ဆေးရုံပါလာတယ်။ ဆရာကြီးနဲ့တွေ့တော့ လူနာက သူ့လည်ပင်းမှာဖောက်ထားတဲ့ ကြေး လေပြွန်ပေါက်လေးကို လက်ညှိုးနဲ့ပိတ်ပိတ်ပြီး လေသံအက်အက်နဲ့ ရောဂါရာဇဝင်အကြောင်းပြောပြတယ်။ ရန်ကုန်နေပူပူ မှာ တက္ကစီမောင်းရင်း ရေခဲရေတွေသောက်လိုက်၊ ကော်ဖီပူပူ၊ လက်ဘက်ရည်ပူပူတွေကို အအေးမခံနိုင်ပဲ အမြန်မော့လိုက် နဲ့ ပူလိုက်အေးလိုက်ဖြစ်နေရာက ကြာလာတော့ ကျွန်တော်လည်ချောင်းလည်း ကားအိတ်ဇောလိုပဲ အသံမထွက်နိုင်တော့ ဘူးဆရာတဲ့။ မော်တော်ကားဆရာက မော်တော်ကားဥပမာနဲ့ ပြောပြတယ်။ စီးကရက်ကလည်း တစ်လိပ်ပြီးတစ်လိပ် သောက်လာခဲ့တာ နှစ်ပေါင်းအတော်ကြာခဲ့ပေါ့တဲ့။ ဆရာကြီးက သူပြောတာနားထောင်ရင်း လိုအပ်တဲ့ စမ်းသပ်မှုတွေလုပ် ကြည့်ပြီးတော့ ခင်ဗျားရောဂါ ခွဲစိတ်ကုသလို့ရပါသေးတယ်၊ မသေနိုင်သေးပါဘူးတဲ့။ လည်ပင်းမှာလည်း ကင်ဆာပြန့်တဲ့ အကြိတ်တွေ မတွေ့သေးတော့ ခွဲစိတ်ပြီးရလဒ်ကလည်း အကောင်းဘက်မှာရှိနေပါတယ်တဲ့။ အဲတော့ လူနာက ဒါဆိုလည်း ခွဲပါ့မယ်လို့ ချက်ချင်းသဘောတူတော့ ခွဲစိတ်မှုဒဏ် ခံနိုင်၊ မခံနိုင်သိနိုင်ဖို့အတွက် သွေးစစ်၊ ဓာတ်မှန်ရိုက်၊ အီးစီဂျီဆွဲ လိုအပ်တာတွေဆက်လုပ်ကြတယ်။ အားလုံးစစ်ဆေးပြီးတဲ့အချိန်လောက်မှာပဲ ဆရာကြီးလည်း အရေးပေါ်ကိစ္စတစ်ခုပေါ် လာလို့ ခရီးထွက်သွားတာ နှစ်ပတ်လောက်ကြာသွားတယ်။ ခရီးသွားခါနီး လက်ထောက်ကို သေသေချာချာ မှာသွားတယ်။ အဲဒီလူနာလာရင် ခွဲမယ့်ရက်ချိန်းကြိုပေးထားလိုက်တဲ့။ လက်ထောက်လည်း ဟုတ်ကဲ့ဆရာဆိုပြီး ကျန်ရစ်ခဲ့တယ်။ ဒါပေ မယ့် ဆရာကြီးမရှိတော့ လူနာလည်း ရောက်မလာဘူး။ ဆရာကြီးပြန်လာမှပဲ ပြန်ရောက်လာတယ်။ ရောက်ရောက်ချင်းပဲ ဆရာကြီးက ခွဲဖို့စိတ်ဖို့စပြင်တယ်။ ဒါပေမယ့် လောလောဆယ် မေ့ဆေးဆရာဝန်ကြီးတစ်ယောက်ပဲရှိနေတော့ မေဂျာကေ့စ် တစ်ခုလုပ်ချင်လို့၊ မေ့ဆေးက လက်ခံနိုင်သလားဆိုတာကို လက်ထောက်က အရင်သွားမေးရတယ်။ မေ့ဆေးက ဘယ်နှ နာရီကြာမယ့် အော်ပရေးရှင်းလဲတဲ့။ ခြောက်နာရီကနေ ရှစ်နာရီအထိကြာနိုင်ပါတယ်အစ်မဆိုတော့ လူနာက ဘယ်အရွယ် လဲတဲ့၊ တောင့်တောင့်တင်းတင်းပဲလားတဲ့။ ဟုတ်ကဲ့၊ ငါးဆယ်ဝန်းကျင်ပါ၊ သန်သန်မာမာ တောင့်တောင့်တင်းတင်းပါပဲ အစ်မလို့ လက်ထောက်က ပြန်ဖြေတယ်။ ကဲ၊ ဒါဆိုလည်း လုပ်ကြတာပေါ့၊ လူနာလည်း စောင့်ရတာကြာနေပြီတဲ့။ မေ့ဆေးက လက်ခံတဲ့အကြောင်း ဆရာကြီးကိုပြန်ပြောပြတော့ ဟုတ်လား၊ ဒါဆိုလည်း ချကွာတဲ့။

မခွဲစိတ်ခင်တစ်ရက်အလိုမှာ လူနာက ညအိပ်မပျော်တဲ့အကြောင်းပြောတော့ ဆရာကြီးက ဒါဆို ဆရာစိတ်ဆီ မြန်မြန်ခေါ် သွားတဲ့။ ဒါမျိုးက ဆရာစိတ်ကူညီမှရမှာတဲ့။ ဆရာစိတ်ဆီရောက်တော့ သူကလူနာကိုမေးမြန်းပြီး ညအိပ်ခါနီး တစ်လုံး သောက်ဖို့၊ တစ်ခြမ်းသောက်ဖို့၊ တစ်စိတ်သောက်ဖို့ဆိုပြီး ဆေးလုံးသေးသေးလေးတွေ ပေးလိုက်တယ်။ လူနာကိုလည်း စိတ်အေးအေးထား၊ ဆရာကြီးက လက်အရမ်းကောင်းတာ ဆိုပြီးတော့လည်း အားပေးစကားပြောလိုက်သေးတယ်။ ခွဲမယ့် နေ့မနက်မှာတော့ လူနာရဲ့မျက်နှာလန်းဆန်းနေတယ်။ ညက ကောင်းကောင်းအိပ်ပျော်ထားတဲ့ပုံပဲ။ သိပ်မကြာခင်မှာပဲ လူနာကို ဆီမဝလို့တကျွီကျွီမြည်နေတဲ့ ထရော်လီပေါ်တင်ပြီး ခွဲစိတ်ခန်းတံခါးဝဆီကို တွန်းခေါ်သွားကြတယ်။ အစိမ်းရောင် ဝတ်စုံဝတ်ထားတဲ့ ခွဲခန်းဆရာမတစ်ယာက်က တံခါးဖွင့်ပေးလိုက်ပြီး လူနာကိုလည်း ခွဲစိတ်ခန်းထဲကိုခေါ်သွားတယ်။ ခွဲစိတ် ခုတင်ပေါ်ကို လူနာတက်အိပ်နေတဲ့အချိန်မှာတော့ စောစောကခေါ်ဆောင်လာပေးတဲ့ ဆရာမကလွဲပြီး ဘယ်သူမှမရောက် ကြသေးဘူး။ ခွဲခန်းထဲမှာတော့ လေအေးပေးစက်ကြောင့် အေးစိမ့်နေတယ်။ သွေးခုန်နှုန်းတိုင်းတဲ့ စက်ရဲ့ တောက်၊ တောက်၊ တောက်၊ တောက် မြည်သံကလည်း တစ်မျိုးတစ်မြည် စိတ်ခြောက်ခြားစေတယ်။ ခဏနေတော့ လူနာက ချမ်းတယ်ပြောတာကြောင့် ဆရာမက စောင်တစ်ထည်ယူပြီး လာခြုံပေးထားလိုက်တယ်။ သိပ်မကြာခင်မှာပဲ ခွဲစိတ်ခန်း ထဲမှာ လူစုံတက်စုံဖြစ်သွားကြပြီး ရွက်ကုန်လွှင့်ကြဖို့ပဲကျန်တော့တယ်။ ဆရာ၊ မေ့ဆေးကို ဘယ်အပေါက်ကပေးပေးရ မလဲတဲ့။ မေ့ဆေးဆရာဝန်ကြီးက ဆရာကြီးကိုမေးတယ်။ လူနာရဲ့လည်ပင်းက အရေးပေါ်လေပြွန်ဖောက်ထားတဲ့ အပေါက် ကပေးရမလား၊ ခါတိုင်းလိုပဲ ပါးစပ်ထဲကနေ ပိုက်ထည့်ပြီးပေးရမလားဆိုတာ။ ခွဲစိတ်မှုက လည်ပင်းမှာလုပ်မှာဆိုတော့ လွတ်လွတ်လပ်လပ်ဖြစ်အောင် ပါးစပ်ကနေပဲပေးပေးပါလို့ဆရာကြီးက ပြန်ပြောလိုက်တယ်။ အဲဒါနဲ့ပဲ မေ့ဆေးဆရာဝန်ကြီး လည်း လူနာရဲ့ခေါင်းရင်းမှာရပ်ပြီး နှာခေါင်းနဲ့ပါးစပ်ကို မေးဆေးပေးတဲ့အုပ်ဆောင်းနဲ့အုပ်လိုက်တယ်။ ပြီးတော့ မေ့ဆေး အငွေ့တွေကို ရှူးခနဲလွှတ်ပေးလိုက်တယ်။ ပါးစပ်ကလည်း လူနာကို မေးခွန်းတွေ တစ်ခုပြီးတစ်ခု မေးပေးနေတယ်။ အစ ပိုင်းမှာ မှန်မှန်ကန်ကန်ပြန်ဖြေနိုင်ပေမယ့် နောက်ပိုင်းကျတော့ လူနာနဲ့အဖြေတွေက တစ်ခုထက်တစ်ခုပိုပြီးတော့ လေးကန် နှေးကွေးလာပြီး နောက်ဆုံးမှာ ဘာမှပြန်မဖြေနိုင်တော့ဘဲ ငြိမ်သွားတယ်။ အဲတော့မှ မေ့ဆေးဆရာဝန်ကြီးလည်း လူနာရဲ့ ခေါင်းကိုမော့တင်လိုက်ပြီး မီးသီးလေးပါတဲ့ ငှက်နုတ်သီးလိုကိရိယာလေးနဲ့ လည်ချောင်းထဲကို ထိုးချိတ်မတင်လိုက်တယ်။ လည်ချောင်းထဲချောင်းကြည့်လိုက်တော့ အသံကြိုးတစ်ဖက်မှာ ကင်ဆာအလုံးတစ်ခုရှိနေတာ တွေ့လိုက်ရတယ်။ အသက် ရှူပိုက်ကို အဲဒီကင်ဆာအလုံးနဲ့ တတ်နိုင်သမျှ မထိခိုက်မိအောင်ထိန်းပြီးတော့ ဖြည်းဖြည်းချင်းထိုးထည့်လိုက်တယ်။ ပြီးတော့ လက်ထဲမှာကိုင်ထားတဲ့ အောက်ဆီဂျင်ဘောလုံးကို လေဖြည့်သွင်းပြီး နားကြပ်တစ်ခုနဲ့ အဆုတ်နှစ်ဖက်ထဲ လေဝင်မှုရှိမရှိ၊ လေဝင်တာညီမညီ နားထောင်နေတယ်။ ဘယ်ဘက်အဆုတ်ထဲ လေဝင်တာနည်းနေသလိုပဲ၊ ဆရာ နည်းနည်းနားထောင်ကြည့်ပါဦးဆိုပြီး ဆရာကြီးကို နားကြပ်ပေးလိုက်တယ်။ ဆရာကြီးလည်း နားကြပ်ယူပြီးတော့ ရင်ဘတ် တစ်ဖက်စီကိုထောက်ကြည့်ပြီး နားထောင်လိုက်တယ်။ ပြီးတော့ ဟုတ်တယ်အစ်မ၊ ဘယ်ဘက်မှာ လေဝင်တာနည်းနည်း လျော့နေတယ်လို့ပြောပြီး နားကြပ်ပြန်ပေးလိုက်တယ်။ အဲဒါနဲ့ မေ့ဆေးဆရာဝန်ကြီးလည်း လူနာရဲ့လည်ချောင်းထဲ ထိုးထည့်ထားတဲ့ အသက်ရှူပိုက်ကို အပေါ်နည်းနည်းပြန်ဆွဲထုတ်လိုက်တယ်။ ပြီးတော့ ပြန်နားထောင်တယ်။ သိပ်မကြိုက် သေးဘူးဆိုပြီး အနေအထားနည်းနည်းထပ်ပြင်တယ်။ သေချာအောင် ဆရာကြီးကိုလည်း နားထောင်ခိုင်းသေးတယ်။ အော်ပရေးရှင်းက မေဂျာလည်းဖြစ်တယ်။ အချိန်လည်းကြာမယ်ဆိုတော့ အစကတည်းက အစစအရာရာ သေချာနေဖို့ အရေးကြီးတယ်။ လမ်းတစ်ဝက်ကျမှ အသည်းအသန်ပြန်လိုက်လုပ်ရတာတွေဟာ လူနာအတွက်ရော၊ ဆရာဝန်အတွက်ပါ စိတ်ဖိစီးမှုများမှန်း အတွေ့အကြုံတွေကသင်ကြားထားလို့ စလုံးရေစကတည်းက သေချာအောင်ဂရုစိုက်နေကြတယ်။ အသက်ရှူပိုက်ကိစ္စ အဆင်ပြေသွားတော့ ဆရာကြီးက လူနာကိုပုခုံးကနေဆွဲမပြီး ကျောအောက်မှာသဲအိတ်ခုလိုက်တယ်။ ခေါင်းအောက်မှာလည်း လှုပ်ရှားမှုမရှိအောင် ခေါင်းခုတစ်ခုခံထားလိုက်ပြီး လိုချင်တဲ့အနေအထားရအောင် ပြင်နေတယ်။ ဆရာကြီးကလူနာရဲ့ဦးခေါင်းပိုင်းကို ပြင်ဆင်နေတဲ့တစ်ချိန်တည်းမှာပဲ ဆရာမတွေကလည်း လူနာကို ဆီးပိုက်တပ်ပေးနေ ကြတယ်။ ဆီးပိုက်ကရှောရှောရှူရှူဝင်သွားပေမယ့် ဆီးမထွက်လာသေးလို့ ခဏစောင့်နေရသေးတယ်။ ဆီးပိုက်ထည့်တဲ့ ဆရာမလေးလည်း သူထည့်လိုက်တာ နေရာများမှားဝင်သွားလားဆိုပြီး ရုတ်တရက် စိတ်ပူသွားတယ်။ ဒါပေမယ့် ဒီ တစ်ပေါက်တည်းပဲရှိတာ၊ မှားနိုင်စရာမရှိပါဘူးဆိုတာကို စဉ်းစားမိတော့မှ စိတ်ချလက်ချစောင့်နေလိုက်တယ်။ မကြာခင် ဆီးပိုက်ထဲကို ကောက်ရိုးနုရောင်ဆီးရည်တွေ ကြည်ကြည်လင်လင်စီးဆင်းလာတော့မှပဲ အားလုံး ပြုံးပျော်သွားတော့တယ်။ အော်ပရေးရှင်းကြာမယ်ဆိုတော့ ဆီးပိုက်တပ်ထားဖို့လိုတယ်။ ပြီးတော့ ဆီးအိတ်ထဲမှာရှိတဲ့ ဆီး ပမာဏကိုကြည့်ပြီး လူနာ ရဲ့အခြေအနေကို ခန့်မှန်းတွက်ဆကြည့်နိုင်တယ်။ သွေးထွက်များရင် ကျောက်ကပ်ရုတ်တရက် ပျက်စီးသွားပြီး ဆီးထွက် နည်းသွားတတ်တယ်။ ခြေထောက်မှာထိုးထားတဲ့ ဆေးပိုက်တွေမှာလည်း ဆေးပုံမှန်ဆင်းနေသလား၊ ဆေးပိုက်ပိတ်နေ သလား၊ ဆေးစက်ကျရဲ့လား စစ်ကြည့်ကြတယ်။ အပေါ်ပိုင်းရော၊ အောက်ပိုင်းရော အားလုံးအိုကေပြီဆိုတော့မှ လက်ထောက်က ခွဲစိတ်မယ့်လည်ပင်းတစ်ဝိုက်ကို ရေစဆေးတယ်။ ဆရာကြီးက နားရွက်နောက်တွေကိုပါ ပြောင်အောင် ဆေးလို့ညွှန်ကြားပြီး ဘေစင်မှာလက်သွားဆေးနေတယ်။

ဆရာကြီးလက်ဆေးနေတုန်း လက်ထောက်က ပိုးသတ်ထားတဲ့ပုဝါနဲ့ လူနာရဲ့ခေါင်းကို ခပ်ကြပ်ကြပ်လုံအောင်ထုပ်လိုက် တယ်။ ပြီးတော့ ခွဲမယ့်လည်ပင်းတစ်ဝိုက်ကိုပဲ ချန်ထားခဲ့ပြီး ကျန်တဲ့အစိတ်အပိုင်းတွေအကုန်လုံးကိုလည်း ပုဝါနဲ့အုပ်ခင်း လိုက်တယ်။ ဆရာကြီးလာတော့ ခွဲမယ့်လမ်းကြောင်းတစ်လျှောက်ကို ဆေးပြာနဲ့တို့ပြီးတော့ မှတ်သားလိုက်တယ်။ ညာဘက်နားရွက်နောက်နားကနေ လည်ဇလုတ်အောက်ဘက်ကို ဝိုက်ဆင်းလာပြီး ဘယ်ဘက်နားရွက်နောက်ကို ပြန် တက်သွားတယ်။ ဆရာ၊ ဒါ ဘာအင်စီရှင်လဲလို့ လက်ထောက်ကမေးတော့ အေပရွန်အင်စီရှင်လို့ပြောပြီး ဆေးပြာဆွဲထား တဲ့ လမ်းကြောင်းတစ်လျှောက် သွေးထွက်နည်းအောင် ထုံဆေးရည်တွေ ထိုးထည့်လိုက်တယ်။ ပြီးတော့ မီးချိန်ခိုင်းလိုက် တယ်။ ပြီးတော့မှ လျာထားတဲ့လမ်းကြောင်းအတိုင်း လျှပ်စစ်ဓားနဲ့ ဖျစ်ဖျစ်ဖျစ်ဖျစ်ဆိုပြီး ခွဲချလိုက်တယ်။ ခွဲခန်းထဲမှာ ညှော်နံ့တွေလှိုင်သွားတယ်။ ညာဖက်ကို အရင်ရှင်းမယ်၊ ပြီးတော့မှ ဘယ်ဖက်ဆက်ရှင်းမယ်တဲ့။ ဆရာကြီးက ခွဲနေရင်းပြော လိုက်တယ်။ အရေပြား၊ အဆီပြင်၊ အမြေးပါး၊ ကြွက်သား တစ်လွှာပြီးတစ်လွှာရှင်းပြီးသွားတော့ လည်ပင်းဘေးမှာရှိတဲ့ သွေးလွှတ်ကြောကြီးနဲ့ သွေးပြန်ကြောကြီးနှစ်ချောင်း ထင်းခနဲ လင်းခနဲ ပေါ်လာတော့တယ်။ သွေးပြန်ကြောကြီးထဲမှာ သွေးတွေလှည့်ပတ်စီးဆင်းနေတာကိုလည်း အတိုင်းသားမြင်နေရတယ်။ ဆရာ၊ ဒီပေးရှင့်က လည်ပင်းအကြိတ်တွေ မရှိ သေးဘူးလားလို့ မေ့ဆေးဆရာဝန်ကြီးကမေးတော့ ဟုတ်တယ်အစ်မ၊ မရှိသေးဘူး၊ အကြိတ်ရှိနေရင်လည်း သူ့ရဲ့ ပြန် ကောင်းနိုင်ခြေက တစ်ဝက်လောက်လျော့သွားတယ်လို့ ဆရာကြီးကပြန်ဖြေရင်း လည်ပင်းသွေးပြန်ကြောကြီးကနေ ခွဲထွက် လာတဲ့ သွေးကြောတွေကို ညှပ်အသေးလေးတွေနဲ့ညှပ်ပြီး ဖြတ်တောက်ချည်နှောင်နေတယ်။ သွေးကြောတွေက ပါးလွှာ နူးညံ့လွန်းတော့ အငြင်သာဆုံးကိုင်တွယ်နေရတယ်။ အဲဒီလို ချည်နေတုန်းမှာပဲ သွေးကြောတစ်ခုက ရုတ်တရက် ပြဲထွက် ပြီး သွေးတွေဟောခနဲ အိုင်ထွန်းသွားတယ်။ လက်ထောက်က ချက်ချင်းပဲ လက်ညှိုးနဲ့ထိုးပိတ်လိုက်တယ်။ ဆရာကြီးက ထွက်လာတဲ့သွေးတွေကို ဂွမ်းပုဝါစတစ်ခုနဲ့သုတ်ပစ်ပြီး သွေးထွက်တဲ့နေရာကိုလိုက်ရှာတယ်။ လက်ညှိုးနဲ့ထိုးပိတ်ထားတဲ့ နေရာက သိပ်မလုံသေးပဲ သွေးနည်းနည်းယိုနေသေးလို့ ဆရာကြီးက နေရာနည်းနည်းရွှေ့ပြီး ပြန်ပိတ်ခိုင်းလိုက်တယ်။ အဲဒီ အချိန်မှာပဲ ရုတ်တရက်မီးပျက်သွားပြီး ခွဲစိတ်ခန်းတစ်ခုလုံး မှောင်မဲဆူညံသွားတော့တယ်။ ခွဲစိတ်ခန်းထဲက အခြားခွဲစိတ် ခန်းငယ်လေးတွေထဲမှာ ခွဲစိတ်နေကြတဲ့ အရိုးအကြောအဖွဲ့နဲ့ ဗိုက်ခွဲအဖွဲ့တို့ရဲ့ အလင်းရောင်ပျောက်ဆုံးသွားလို့ အော်ဟစ် နေတဲ့အသံကိုလည်း အတိုင်းသားကြားနေရတယ်။ ရုတ်တရက်ပျောက်ဆုံးသွားတဲ့အလင်းရောင်ကို အယ်လ်အီးဒီဓာတ်မီး တွေနဲ့ ချက်ချင်းအစားပြန်ထိုးလိုက်ကြတယ်။ ခွဲစိတ်ခန်းတာဝန်ခံမေ့ဆေးဆရာဝန်ကြီးက ချက်ချင်းမီးစက်နှိုးခိုင်းနေတယ်။ အီးပီစီကိုလည်း ချက်ချင်းဖုန်းဆက်အကြောင်းကြားခိုင်းနေတယ်။ ခဏနေတော့ တယ်လီဖုန်းက အကြောင်းပြန်လာတယ်။ မီးစက်က ဘက်ထရီအားကုန်နေလို့ ဘက်ထရီအိုးသွားငှားနေတယ်တဲ့။ အီးပီစီကလည်း ဘုန်းကြီးပျံပွဲလှည့်နေတာ ဓာတ် ကြိုးနဲ့မလွတ်လို့ မီးဖြတ်ထားတယ်ဆိုပြီး ဖုန်းချသွားတယ်တဲ့။ ဘယ်လိုပဲပြန်ခေါ်ခေါ် ဖုန်းကိုင်မယ့်သူ မရှိဘူးတဲ့။ ဒီလိုအခြေ အနေမျိုးမှာ မေ့ဆေးဆရာဝန်ကြီးကရော မီးမြန်မြန်ပြန်လာအောင်ဆုတောင်းနေရုံကလွဲပြီး ဘာများတတ်နိုင်ပါဦးမည်နည်း ပေါ့။ ခွဲစိတ်ခန်းထဲက အလင်းရောင်ပျောက်ဆုံးသူများကွန်ယက်အဖွဲ့ကလည်း မိတ်အင်ချိုင်းနား အယ်လ်အီးဒီဓာတ်မီးတွေ နဲ့ ဆက်လက်ချီတက်ရုံမှလွဲ၍ ဘာများတတ်နိုင်ပါဦးမည်နည်းပေါ့။ အော်ပရေးရှင်းတွေက ရပ်ထားလို့မှမရတာ။

ဆရာကြီးကတော့ စိတ်ကုန်တယ်လို့တစ်ခွန်းပြောပြီး ခွဲစိတ်စရာရှိတာ ဆက်ခွဲနေတယ်။ စောစောက သွေးထွက်နေတဲ့ သွေးကြောရဲ့ အရင်းအမြစ်နေရာတွေကိုရှာဖွေပြီး ချည်နှောင်ဖြတ်တောက်လိုက်တယ်။ ထွက်လာတဲ့သွေးတွေကိုလည်း စုပ် စက်နဲ့စုပ်လို့ ယောင်ပြီးတော့ပြောနေသေးတယ်။ ဆရာကြီး မီးမလာသေးဘူးဆိုတော့မှ သြော်၊ ဟုတ်သားပဲဆိုပြီး ဂွမ်းပုဝါနဲ့ အသာအယာသုတ်ခိုင်းလိုက်တယ်။ ပြီးတော့ အသံအိုး၊ လေပြွန်နဲ့ သိုင်းရွိုက်အကြိတ်ကို ထောက်ပံ့ပေးနေတဲ့ သွေးကြော မှန်သမျှကို ဖြတ်တောက်ပစ်လိုက်တယ်။ မလိုအပ်တော့တဲ့ ကြွက်သားတွေနဲ့ အာရုံကြောတွေကိုလည်း ဖြတ်ပစ်လိုက် တယ်။ ဒါပေမယ့် အရေးကြီးတဲ့ မေးရိုးအောက်နားက အာရုံကြောတစ်ချောင်းကိုတော့ မရမကလိုက်ရှာပြီး သေသေချာချာ ချန်ရစ်ထားခဲ့လိုက်တယ်။ အဲဒါ၊ ဟိုက်ပိုဂလော့ဆယ်နာ့ဗ်၊ ဖြတ်မိသွားရင်မလွယ်ဘူး၊ ခွဲပြီးမှ လျှာလှုပ်လို့မရ၊ လျှာသိမ်းလို့ မရဘဲ အစာမြိုချရခက်ပြီး ဒုက္ခရောက်နေလိမ့်မယ်လို့လည်း ပြောနေသေးတယ်။ တကယ်ဆို ဒါတွေက ဘိုင်ပိုလာလေးနဲ့ ရွှိ ရွှိ ဆိုပြီးတော့ ပြီးသွားရမှာ၊ အခုတော့ မလိုအပ်ဘဲနဲ့ ကြန့်ကြာကုန်ပြီလို့ ညည်းပြောပြောရင်း သွေးကြောတွေကို ညှပ်လိုက်၊ ဖြတ်လိုက်၊ ချည်လိုက် လုပ်နေတယ်။ လည်ပင်းရဲ့ညာဖက် တစ်ခြမ်းရှင်းပြီးသွားတဲ့အချိန်ကျမှပဲ လျှပ်စစ်မီးက ဖြန်းခနဲ ပြန် လင်းလာတယ်။ ခွဲစိတ်ခန်းတစ်ခုလုံး ချက်ချင်းနတ်ပြည်ရောက်သွားသလို လင်းလက်တောက်ပသွားတယ်။ ဆရာကြီးက ဘယ်ဘက်လည်ပင်းကိုဆက်ရှင်းဖို့ လူနာရဲ့ဦးခေါင်းကို လှည့်နေတဲ့အချိန်မှာ ခွဲစိတ်ကိရိယာပေးတဲ့ဆရာမက ဆရာကြီး၊ လူလဲလိုက်တော့မယ်လို့ပြောလိုက်တယ်။ ဆရာကြီးက အေး၊ အေး လို့ပြောပြီး လုပ်စရာရှိတာ ဆက်လုပ်နေလိုက်တယ်။ ဆရာမအသစ်ဝင်လာတော့ ဆရာကြီးက ဘယ်ဘက်လည်ပင်းကို ညာဖက်လည်ပင်းတုန်းကလိုပဲ ခွဲချလိုက်ပြီး ရှင်းလင်း ဖြတ်တောက်နေတယ်။ စောစောကလိုပဲ သွေးကြောကြီးတွေ ဘွားခနဲ ထောင်လာတယ်။ စောစောကလိုပဲ သတိကြီးစွာနဲ့ ကိုင်တွယ်နေရတယ်။ ဒါပေမယ့် စောစောကလိုတော့ မီးမပျက်တော့ဘူး၊ သွေးမထွက်တော့ဘူး။ လည်ပင်းသွေးကြောမ ကြီးတွေကို ရှောင်ကွင်းဖြတ်တောက်နေရတာကို ကြည့်နေရတာ ဓားသွားပေါ်မှာ ခြေဗလာနဲ့လမ်းလျှောက်နေရသလိုပဲ။ ဒီတစ်ခါ လျှပ်စစ်မီးက အနှောင့်အယှက်မပေးတော့ ဘယ်ဘက်လည်ပင်းခွဲစိတ်မှုဟာ ညာဖက်လောက်မကြန့်ကြာတော့ ဘူး။ ဒါပေမယ့် ဟိုက်ပိုဂလော့ဆယ် ရှာဖို့ကျန်နေသေးတယ်။ မေးရိုးအောက်နားမှာ အာရုံကြောဖြူဖြူတစ်ချောင်းတွေ့ တယ်။ ဆရာကြီးက အဲဒီအာရုံကြောကို ဖြတ်မယ်လုပ်ပြီးမှ သေချာအောင် နည်းနည်းထပ်ပြီးရှင်းကြည့်လိုက်တယ်။ ရှင်းနေ ရင်းကနေ အမယ်လေး၊ တော်သေးတယ်တဲ့။ ငါ တွယ်မိတော့မလို့တဲ့။ ပုံမှန်ဆို ဒီကောင်က ဒီနေရာမှာမရှိတတ်ဘူးတဲ့။ ချန်ရမယ့်အစိတ်အပိုင်းတွေချန်၊ ဖြတ်တောက်ရမယ့်အစိတ်အပိုင်းတွေ ဖြတ်တောက်ပြီးသွားတဲ့အခါမှာတော့ ပြဿနာ အရင်းအမြစ်ဖြစ်တဲ့ အလယ်ကအသံအိုးကြီးတစ်ခုလုံး လှီးထုတ်ပစ်ဖို့ပဲကျန်တော့တယ်။ ဆရာကြီးက သိုင်းရွိုက်လေးနည်း နည်းချန်ခဲ့မယ်ဆိုပြီး သိုင်းရွိုက်ဂလင်းတစ်ခုလုံးမထုတ်ပစ်ဘဲ လက်တစ်ဆစ်စာလောက်ချန်ခဲ့ပြီး မုန့်ဖက်ထုပ်လို ချုပ်ပေး ထားခဲ့လိုက်တယ်။

ပြီးတော့ လည်ပင်းအလယ်က အတက်လေးခုပါတဲ့ဟိုက်ရွိုက်အရိုးကို လျှပ်စစ်ဓားနဲ့ခွဲစိတ်ကလော်ထုတ်နေတယ်။ ဟိုက် ရွိုက်အရိုးဖြူဖြူလေးပေါ်လာတော့ သူ့အောက်မှာကပ်လျက်ရှိနေတဲ့ လည်ဇလုတ်သိုင်းရွိုက်အရိုးကို ဆက်ပြီးတော့ခွာ တယ်။ အရင်ဆုံး လည်ဇလုတ်ရိုးမှာကပ်နေတဲ့ ကြွက်သားအကြွင်းအကျန်တွေကို လျှပ်စစ်ဓားနဲ့ပြောင်အောင်ခြစ်ထုတ်ပစ် လိုက်တယ်။ အသားစတွေမီးတူးပြီး မီးခိုးလုံးတွေအလိပ်လိုက်တက်လာတယ်။ လက်ထောက်က မီးခိုးငွေ့တွေဖုံးသွားတဲ့ အော်ပရေးရှင်းမြင်ကွင်းရှင်းသွားအောင်  စုပ်စက်နဲ့စုပ်ထုတ်လိုက်တယ်။ ဆရာကြီးက လည်ဇလုတ်ရိုးကို ငါးပါးဟက်ခွာ သလို လျှပ်စစ်ဓားနဲ့ ဘေးကခွာလိုက်၊ အောက်ကပတ်ခွာလိုက်နဲ့ အသာအယာ ဆွဲခွာဖြတ်ထုတ်နေတယ်။ အသွားနှစ်ခု ပါတဲ့ လျှပ်စစ်ဓားနှစ်ချောင်းကို တစ်ချောင်းညစ်ပတ်ရင် နောက်တစ်ချောင်းနဲ့ အလဲအဖယ်လုပ်ရင်း ဇွဲကောင်းကောင်းနဲ့ ဆက်ခွဲနေတယ်။ ခွဲခန်းအကူဆရာမလည်း ဓားသွားမှာချိုးတူးပြီးကပ်နေတာတွေကို ဂွမ်းစနဲ့သန့်ရှင်းရေးလုပ်ပေးနေရတာ လက်မလည်နိုင်ဘူး။ ဆရာကြီးကတော့ ပြောင်အောင်သုတ်ဆိုပြီး ဆက်ခွဲလာလိုက်တာ ခွဲစိတ်ချိန်ဟာ လေးနာရီကျော်လာ ပြီး ငါးနာရီတင်းတင်းပြည့်တော့မယ်။ ပွဲစကတည်းက ဇွဲကောင်းကောင်းနဲ့ အခုချိန်အထိလိုက်ပါလာနိုင်တဲ့ ဒုတိယ လက်ထောက်ဆရာမကတော့ မီးခိုးညှော်နံ့မခံနိုင်တော့လို့ ဆရာကြီးကိုခွင့်တောင်းပြီး လူစားလဲလိုက်ပြီ။ ဆရာကြီးနဲ့ လက်ထောက်ကတော့ စကားတစ်ခွန်းမှမပြောနိုင်သေးဘဲ အပေးအယူအချိတ်အဆက်မိမိနဲ့ မြန်မြန်သွက်သွက် ဆက်လက် ချီတက်နေတယ်။ အသံအိုးအပေါ်ပိုင်းတစ်ခုလုံးလည်း ရှင်းသလောက်ရှိသွားပြီဆိုတော့ ဆရာကြီးက မေ့ဆေးဆရာဝန်ကြီး ကို အစ်မရေ၊ ဖြုတ်တော့မယ်လို့ပြောပြီး လည်ဇလုတ်အောက်နားက လေပြွန်ကိုလွတ်လွတ်ကျွတ်ကျွတ် လှီးချလိုက်တော့ ပါးစပ်ထဲကနေထိုးထည့်ထားတဲ့ ပလတ်စတစ်အသက်ရှူပိုက်ကြီးလည်း ထင်းခနဲ ပေါ်လာတယ်။ မေ့ဆေးဆရာဝန်ကြီးက အဲဒီပိုက်ကိုပါးစပ်ထဲကနေ ဆွဲထုတ်လိုက်ပြီး အင်္ဂလိပ်အက္ခရာ ဂျေပုံသဏ္ဍာန်ရှိတဲ့ အသက်ရှူပိုက် အသစ်တစ်ချောင်းနဲ့ လည်ပင်းအရင်းက လေပြွန်ဖြတ်စထဲကို မိမိရရ ထိုးသွင်းချိတ်ဆက်လိုက်ရင်း မေ့ဆေးဘောလုံးကို ဟန်မပျက် ဆက်ညှစ် နေလိုက်တယ်။ အသက်ရှူပိုက်ပြောင်းတပ်ပြီးသွားတာနဲ့ တစ်ပြိုင်နက် ဆရာကြီးက လေပြွန်အပါအဝင် အသံအိုးကြီးတစ်စုံ လုံးကို ဖြတ်ထုတ်ပစ်လိုက်တယ်။ လူနာရဲ့လည်ပင်းမှာ ဟင်းလင်းပွင့်သွားတဲ့အစာရေမြိုပြွန်နဲ့ ဘေးတစ်ဘက်တစ်ချက်က သွေးကြောမကြီးတွေပဲ ထီးထီးကြီးကျန်ရစ်ခဲ့တော့တယ်။ လူနာမှာ နှာခေါင်းကနေ အသက်ရှူသွင်းစရာ လေပြွန်မရှိတော့ ဘူး။ ရှူသမျှလေတွေဟာ လည်ပင်းအရင်းမှာရှိတဲ့ လေပြွန်ငုပ်တိုကနေပဲ အဝင်အထွက်လုပ်ရတော့တယ်။ ဆရာမ တစ်ယောက်က လူနာရဲ့နှာခေါင်းထဲကနေ နှာခေါင်းပိုက်ထိုးထည့်လိုက်တော့ ပွင့်နေတဲ့အစာရေမြိုပြွန်ကိုဖြတ်ပြီး အစာအိမ် ထဲ လျှောခနဲဝင်သွားတာ တွေ့လိုက်ရတယ်။ ခွဲစိတ်မှုဟာ ရှစ်ဆယ့်ငါးရာခိုင်နှုန်းလောက် ပြီးသွားပြီ။ လည်ပင်းမှာကျန်ရစ်ခဲ့ တဲ့အစိတ်အပိုင်းတွေကို ရေသန့်သန့်နဲ့ဆေးကြာပစ်လိုက်တော့ အကျိအချွဲတွေဟာ သွေးတွေနဲ့ရောပြီးစီးကျလာတယ်။ လက်ထောက်က စုပ်စက်နဲ့စုပ်ထုတ်သန့်ရှင်းလိုက်ပြီးတော့ ဆရာကြီးက ဂွမ်းပုဝါအသစ်တစ်ခုကိုရေဆွတ်ပြီး လည်ပင်းမှာ ခပ်ဖွဖွဖုံးအုပ်ထားလိုက်တယ်။ ပြီးတော့ ကျွန်တော်တို့ မုန့်စားခဏနားလိုက်ဦးမယ်အစ်မလို့ မေ့ဆေးဆရာဝန်ကြီးကို လူနာ အပ်ပြီးထွက်သွားလိုက်တယ်။

ဆယ်မိနစ်လောက်ကြာတော့ လက်ထောက်နဲ့ဆရာကြီး ရှေ့ဆင့်နောက်ဆင့် ပြန်ဝင်လာကြတယ်။ လူနာကတော့ ခွဲစိတ် ခုတင်ပေါ်မှာ အသက်ရှူပိုက်တန်းလန်းနဲ့ လည်ပင်းပွင့်လျက်သား မေ့လို့ကောင်းတုန်း။ အော်ပရေးရှင်းပြီးဆုံးတော့မယ်ဆို တော့ အားလုံးလန်းဆန်းတက်ကြွနေကြပြီ။ ဆရာကြီးက ပွင့်နေတဲ့အစာရေမြိုကို ချုပ်ကြိုးသေးသေးလေးနဲ့ အင်္ကျီအပြဲစ ကိုပြန်ချုပ်သလိုမျိုး အပ်ချည်နဲ့တစ်ချက်ပြီးတစ်ချက် ပြန်တွယ်ချုပ်လိုက်တယ်။ ပြီးတော့ သေချာအောင် အပေါ်ကတစ်ထပ် ထပ်ချုပ်တယ်။ ပြီးတော့ မေးစေ့အပေါ်ဆွဲလှန်တင်ထားတဲ့ လည်ပင်းအရေပြားဖတ်ကို ပြန်အုပ်ချလိုက်တယ်။ လည်ပင်း အရင်းက လေပြွန်ငုပ်တိုရဲ့ပတ်ပတ်လည်ကိုလည်း လည်ပင်းအရေပြားနဲ့ ပြန်တွဲချုပ်ပေးလိုက်တယ်။ ပြီးတော့ လည်ပင်း အရေပြားအောက်နားကနေ ပိုက်သေးသေးလေးနှစ်ချောင်းထိုးထည့်လိုက်ပြီး ယိုစိမ့်စီးကျလာတဲ့သွေးတွေကိုခံထားဖို့ ပိုက် အဖျားမှာ ပလတ်စတစ်ဘူးလေးတစ်လုံးစီ တပ်ပေးထားလိုက်တယ်။  ပြီးတော့မှ ဆရာကြီးနဲ့လက်ထောက် ဇာဂနာကိုယ်စီ အပ်နဲ့အပ်ချည်ကိုယ်စီနဲ့ လူနာရဲ့လည်ပင်းအရေပြားကို ဘေးတစ်ဖက်တစ်ချက်စီကနေ ပြိုင်တူပြန်ပိတ်ပေးလိုက်ကြတယ်။ မေ့ဆေးဆရာဝန်ကြီးကလည်း မေ့ဆေးအချိန်အဆကို ဖြည်းဖြည်းချင်း ပြန်လျှော့နေပြီ။ အရေပြားအားလုံးပြန်ချုပ်ပြီးသွား တော့ လူနာရဲ့လည်ပင်းအပေါက်ထဲကိုထိုးထည့်ထားတဲ့ ပလတ်စတစ်အသက်ရှူပြွန်အစား ပိုးသတ်ထားပြီးသား ကြေးပြွန် ကောက်ကြီးတစ်ခု ပြန်ပြောင်းတပ်လိုက်တယ်။ ပြီးတော့ ခွဲစိတ်ခန်းဆရာမက လူနာလည်ပင်းမှာပေနေတဲ့ သွေးစသွေးန တွေကို အရက်ပြန်ဆွတ်ထားတဲ့ ဂွမ်းပတ်တီးစလေးနဲ့ ပြောင်စင်အောင်သုတ်ပေးလိုက်တယ်။ အခုတော့လည်း လူနာ လည်ပင်းမှာ ကင်းခြေများတစ်ကောင်ပတ်ခွေနေသလို ချုပ်ရိုးကြောင်းရာကြီးနဲ့ လေပြွန်ပေါက်တစ်ပေါက်ပဲ ကျန်ရစ်တော့ တယ်။ နာရီကြည့်လိုက်တော့ ညခုနှစ်နာရီထိုးခါနီးနေပြီ။ မေ့ဆေးပေးစက်ဖြုတ်လိုက်ပြီး သိပ်မကြာခင်မှာပဲ လူနာက သူ့ဖာသာသူ အသက်ပြန်ရှူနေပြီ။ ဒါပေမယ့် သတိတော့ကောင်းကောင်းမရသေးဘူး။ မေ့ဆေးဆရာဝန်ကြီးက လူနာ သတိရလာတဲ့အချိန် နာကျင်မှုမခံစားရအောင်ဆိုပြီး ပက်သဒင်း ငါးဆယ်မီလီဂရမ်ကို အကြောထဲထိုးထည့်ပေးလိုက် တယ်။

လင်းဇင်ယော်

ပိတောက်ပွင့်သစ် - ၂၀၁၃၊ အောက်တိုဘာ။